دنيييييا

2011-09-25T12:43:00.003+02:00

دخول غريب في ميعاد اغرب

نظرة تعجب شديده للمكان

و ما اصابه من تراب و عنكبوت

دمعه صغيره تغلف العين و لا تتركها عند رؤية ما مضي

ازاحه الاتربه و العنكبوت من علي الكرسي الهزاز المفضل

جلوس بطئ

مرجحه خفيفه

و قرار يتلاعب في تلافيف المخ ببدء عملية التظيف في اقرب فرصه

2010-04-02T23:00:00.002+02:00

جزيرتي العزيزه ... عفوا اقصد عزيزتي الغاليه

عفوا ... متفقين انا و انتي اننا لا ولن نستطيع التصريح باي اسماء ... بل حتي انني لن اتاجك في هذا الكلام ... و لكنني ساحرص بشكل او اخر ان تتمكني من قراءة الموضوع كاملا

جزيرتي الغاليه ... اجل جزيرتي الغاليه ... فلا تستغربي من هذا الاسم ... فهذا ادق وصف لما كنتي تمثلينه في حياتي المتواضعه بعواصفها الهوجاء و تقلباتها الكثيره ... كنتي تمثلي لي دائما الجزيره التي كنت استفيد منها لاقصي درجه و الجأ اليها عندما اشارف علي الغرق ... اتمتع بالوقوف علي تربتها الصلبه ... و اتمكن من التقاط انفاسي ... ليست انفاسي بالطبع و لكنني اتمتع باعادة استنشاق انفاسك المعطره مره اخري ... ثم اتركك و اعود لالقاء نفسي في البحار مره اخري متخليا عن انفاسك العطره

هكذا كنتي انتي يا عزيزتي ... و هكذا كنت انا

عزيزتي ... كم كان مرعبا للمره الاولي امساك يدك ... اجل مرعبا ... فلقد كان للمره الاولي التي امسك فيها فعلا ايد بنت لا يفترض ان افعل ذلك ... و لكني فعلت

و لكن دعيني اقول لك سرا ... كم كان ممتعا لي ان ترقد يدك داخل يدي ... كم كنت احس ان يدك ترقد بداخل يدي كعصفور مبلل ينشد الامان داخلي ... لم اقل لكي هذا من قبل و لكن كم كان هذا اقصي محفز لي حتي ظننت يوما اني قادر علي صرع كل سكان القاهره الكبري

لن احدثك عن طرقنا العزيزه ... و كم من كيلومترات قطعنا سويا ... حتي انني في بعض الاحيان كنت اشفق عليكي كثيرا جدا من متابعتك لي في كل تلك الطرقات ... كنت اتحسس الامك من ضغطك علي يدي ... دعك من اني كنت افعل هذا من اجل زيادة اوقاتنا الني نقضيها سويا ... و من اجل الاستمتاع المطلق بضغطة يدك علي يدي

لن احدثك ايضا عن سعادتي باول صوره اتمكن من التقاطها لكي ... و لا عن سعادتي عندما حققتي لي اقصي طموحاتي التي كانت تؤرقني لفتره طويله ... و انني استطعت بفضل كرمك و حبك ان امشي علي كوبري الجامعه انا و انتي سويا و كم كان النيل يومها ممتعا للغايه

لن احدثك علي عيناك ... عيناك التي كنت في كثير من الاوقات اخشي من النظر اليهم ... لما كان فيهم من البراءه و الصدق ... العينان الذي دائما امامهم لم لكن املك الا الاستسلام ... و لكوني كاره لهذا الفعل لم اكن اطيل النظر اليهم

غاليتي ... من عشر سنين و اكتر ... تشهد لنا الساقيه بذلك و كم من مرات ذهبنا ... و يشهد النيل العظيم ايضا انني لن اجد من يحبني مثلك ... كم حاولتي من اجلي قراءة نون و متابعة ما احب ... كم اخذتي مني من صفات و كم اعطتيني من حنان و دعم معنوي

غاليتي ... رفضت الاعتراف ان ما امر به مؤخرا من مشاكل في حياتي و معوقات في عملي سببه ما تدرين انتي به ... رفضت بشده معتمدا علي ما ورثناه نحن الرجال من كبرياء ... و علي العند الذي اكتسبته من خلال الخمسة عشر عاما الاخيره ... رفضت الاعتراف حتي لنفسي بذلك ... و لكن اليوم و بعدما حدث ما تعرفينه انتي ... اقر و اعترف ان ما حدث بسبب ما تدرين انتي به

عزيزتي ... ربما يتاح يوما لنا ان نكون سويا مجددا ... من يعلم متي و اين ... و من يعلم اذا كان هذا اليوم في هذا العالم ام كان في عالم اخر لا نجد به معوقات كالتي رايناها سويا في عالمنا هذا ... عالم لن يحتوي الا عليكي فقط كتعريف للجمال و الخير المطلق ... عالم لن يعتمد الا علي وجهك كمصدر للنور و الدفء ... و لا مصدر للهواء الا انفاسك العطره ... و لا زهور و لا طيور الا ترددات و صدي افكارك

عالم كهذا سيسمي باسمك انتي فقط ... و ساكون انا مستكشفه الاول و الاخير ... لن تدنسه اقدام اخرين غيري

فحتي تحين لحظة اكتشافي لذلك العالم ... فاعلمي عزيزتي انني منتظر ... مؤديا كافه الفروض و الطاعات التي تجعلني كفء و جدير بكوني مثل هذا المستكششف

يا احلي مكعب سكر

2009-08-26T19:12:00.001+02:00

يا فطرة صافية و نفوس رقيقة

انا لما جيت اخدم الطريقة

شيخنا اللي عارف سر الحقيقة

بسط يمينه و قال يا مريدي

عينك في عيني و ايديك في ايدي

كل الخلايق اخوات شقيقة

احلف بنون و المؤمنون

قلب الليلة دي اخضر حنون

2009-07-21T20:06:00.005+03:00

الحلم

ــــــــــــــ

عزيزي عمر .... حبيبي عمر .... الطفل الذي لم اره حتي الان و ربما لا اراه مطلقا الا بعد اكمال عامه الاول

الطفل الذي يمثل لنا الكثير و الكثير .... الطفل الحلم

الطفل الذي اخرجني من بكائيتي التي اعيش في فلكها هذة الايام ليرسم علي وجهي الابتسامة

و يزرع في قلبي الهدوء و الامل

الي عمر

****

عمر العزيز .... اصرار والدك علي اعطائك هذا الاسم الجميل هو اصرار يحترم .... في تاريخنا ياعمر - التاريخ الذي اثق بامك و ابيك لتعليمة لك جيدا يحفل هذا الاسم بالكثير من العظماء ...

فهناك الفاروق بن الخطاب .... و هناك الخليفة الراشد الخامس خير خلفاء بني امية .... عمر بن عبدالعزيز

و هناك ايضا المناضل الشهير .... او الارهابي كما يطلق الان علي المناضلين في غربنا السعيد .... عمر المختار

و ربما من وسامة ابيك و جمال امك تدور بك الدنيا دورتها لتكون ممثلا .... عمر الشريف مثلا

كماتري يا عزيزي .... كل خياراتك مفتوحة

ليس سوي ان تريد

****

حلمنا العزيز

لا تستغرب يوما من عدد خالتك و اخوالك

لا تتعجب من انهم لا يحملون نفس اسم جدك عبدالنبي

عمر

انا اعرف ما الذي بي الان

انة حالة من حالات الفرح الشديد التي تعجزني عن الكتابة و التفكير كذلك

و لكنني لا اخفيك سرا انك بمجيئك الي عالمنا

قد قلبت موازين كثيرة

لا ... لم تقلب شيئا

بل ربما بميلادك ... اعدت الموازين المقلوبة الي اوضاعها الطبيعية

عمر

اهلا بيك

2009-07-18T22:18:00.003+03:00

الممنوعات

من قال يوما ان الوطن كما الحبيبة الحقيقة .... ربما عرفت بعدها الكثير من النساء و احببت الكثير .... و لكن رغم كل هذا تظل هي في مخيلتك و لاتستطيع ان تنساها و لو للحظة

و عندما ستتاح لك الفرصة ... ستعود حتما لتلقي بنفسك في الاحضان

احضان الحبيبة

احضان الوطن

من قال ذلك .... لا يعرف الي اي درجة كان محقا

****

ممنوع من السفر

ممنوع من الغنا

ممنوع من الكلام

ممنوع من الاشتياق

ممنوع من الاستياء

ممنوع من الابتسام

وكل يوم فى حبك

تزيد الممنوعات

وكل يوم باحبك

اكتر من اللى فات

حبيبتى يا سفينه

متشوقه و سجينه

مخبر فى كل عقده

عسكر فى كل مينا

يمنعنى لو أغير

عليكى أو أطير

بحضنك

أوأنام

فى حجرك الوسيع

وقلبك الربيع

اعود كما الرضيع

بحرقة الفطام

حبيبتى يا مدينه

متزوقه وحزينه

فى كل حاره حسره

وف كل قصر زينه

ممنوع من انى اصبح

بعشقك او ابات

ممنوع من المناقشه

ممنوع من السكات

وكل يوم فى حبك

تزيد الممنوعات

وكل يوم بحبك

اكتر من اللى فات

2009-06-14T21:38:00.003+03:00

مجرد كلام

(2)

ــــــــــــــــــ

تجاهلت مكالمته و رسائله – كالعاده – حتي انها حذفت ارقامه من ذاكره الهاتف .. تسائلت متي ينضج ليفهم انه اصبح لديها ليس اكثر من ذكري سيئه

****

اطفأت شمعة عامها التاسع و الثلاثين .... و لا زالت – بأمل – تنتظر عودته

****

نظر الي صورتها بعد مرور5 سنوات علي انفصالهم .... رغم كل شئ قال

عايش .... و لا لغيرك عايش

****

بكي حينما وضعت مولدهما الاول .... ظن المحيطين انه يبكي فرحا .... و لكنة كان يبكي لمولد قيد جديد يربطهم سويا

****

اخبرها بقراره النهائي .... لم تكن تملك غير الدموع كرد

****

نظر اليها و هي متعلقة بذراعة و مرتديه فستانها الابيض .... ابتسم في سعادة ....لقد نجح في تحويلها الي نسخة من الاولي

****

سئل عن سبب ابداعة في كتاباتة الاخيرة .... اغمض عينية و تذكر صورتها الموجودة علي مكتبة جالسة بجوار فارسها الاخر و علي وجهها السعادة .... قال للسائل :

ان الإلم .... هو اهم مقومات الابداع

و كتم دموعة بصعوبة بالغة

****

انزوي في ركن المترو اخر النهار ليحسب ارباحة و خسائرة .... كسب اليوم 100 جنية و خسر كرامتة .... ابتسم قانعا

2009-06-02T23:25:00.007+03:00

مناجاة

ــــــــ

باسمك الاحب الي قلبي

الرحيم

ابدا حديثي اليك

اجل ... هو كما تعرف في نفسي و كما قدرت منذ تقدست و رفعت الاقلام و جفت الصحف ان يكون

حديث

انت - تعظمت و تقدست و تنزهت عن الاوصاف و الحدود - منذ ان قدرت لي المعيش في اللحظة التي اخترتها لي و حتي اللحظة التي اخترتها لي كي اعود اليك بعد ان اجتاز الامتحان الدنيوي الذي تقدست و تعظمت وضعتة لي و لا اظنني انني ابلي فية اي بلاء حسن و لكنني اشعر ... بل ازداد يقينا يوما بعد يوم انني اتجهة بخطي ثابتة نحو الفشل و بئس المصير فية

و لكن اسمح لي .... من عبدك الفقير المتيم بحبك و بحب رحمتك ان اسأل سؤال واحد

اعلم انك تعلم انني في هذة اللحظة بداخلي خوف فظيع ان اكون قد تخطيت حدودي و اداب اللياقة في الحديث معك و اليك و لكنني اطمع و اصبو رغم كل شئ في رحمتك

و رغم يقيني انك تعرف السؤال الذي اريدة و يجول في خاطري منذ ما يقرب من ثلاث سنوات ... تحديدا من 10/9/2007 هذا التاريخ الذي كان علامة فارقة في حياتي .... و قد سألت هذا السؤال كثيرا جدا لك ربي و انت تعلم و لكنني لم احصل علي اجابة شافية حتي الان .... لذلك فاني اطرح السؤال هنا في الفضاء السيبري الذي قدرتة لنا لحكمة عندك .... عسي ان ياتيني ردك من خلال احد البشر المارين هنا و لو بعد حين .... و يكون هو الرد الذي انتظرة

****

لية ؟؟

لماذا ؟؟

why ??

pourquoi ??

****

اعلم ربي انك لا تحتاج الي لغة لتفهمني و تعرف ما يجول بداخلي ... كيف لا تعرف و انت - تقدست و تعظمت و تنزهت - الذي قدرتة و اخترتة لي و ها انا ذا اعيشة راضيا به

و كيف لا ارضي بة و هو من عندك ؟؟

و اعرف يقينا انك تدرك المغزي من سؤالي .... فليس فية معاذ الله - شبهة الاعتراض علي حكمك او قدرك

فانا كما تدري جيدا - يا رحيم - اعيش كما يقال دائما اليوم بيومة

لا انظر الي اليوم السابق الا لمجرد معرفة الاخطاء لاجراء محاولات - فاشلة - لتجنبها مستقبلا .... و لا ارغب من الغد سوي ان يرسم بيدة ابتسامة جديدة علي وجهي تكون قد قدرتها لي

اعرف ان كلامي يغضب كل اصدقائي محبي التنمية البشرية و لكنني في حضرتك فلا استطيع مجاملة بشر

و لكن هذة حياتي

****

تحيرني يا ربي دائما حكمتك في إدارة شئوني الحياتية

انا مصاب بحالة غريبة من عدم الفهم العميق

في غالبية مشروعاتي المستقبلية التي كنت اريدها بشدة اجد ان دائما كل ما اطلبة يتداخل دائما مع مشيئتك و ارادتك لي في اللحظة الاخيرة

و مشروعاتي التي لا اكون معطي لها ادني اهتمام اجد هي التي دائما تكلل بالنجاح

اتقبل بكل رضا و طاعة مصيري التي قدرتة لي

و لكنني من داخلي ارغب فقط في كشف الحجب و لو لثانية واحدة لكي ادرك فقط ما ينتظرني هناك في مستقبلي ان كان لي واحدا قد قدرتة لي

ظنني البعض مجنون و كفرني البعض الاخر لمعرفتهم هذة الرغبة

و لكنني ارغب حقا في ادراك حكمتك في ما يحدث لي و حولي

اتعرف يارب - و اكيد انك تعرف - هو كوعدك للمبشرون بالجنة فاطمئنت قلوبهم

انا ايضا ارغب بشدة ان يطمئن قلبي تماما

يا رب .... تعبت من قلبي و وساوسي و غلبتني نفسي في كل مجال

يا رب كلما اعددت للامر عدتة ينتهي الي حيثما لا اريد

اهو غضب منك علًي ؟؟؟

ام انني لا زلت لا ادرك لعبة الحياة

لا زلت كما يخبرني والدي .... اخضر العود يسهل كسري و التحكم فيٍ

لا زلت يا رب بأمل شديد انتظر الاجابة بشدة

منتظر لحظة تكشف الحجب

و مغادرتي لهذا العالم .... و ذهابي اليك

ووقتها لن يكون بيننا حجب

و ساكون انا و انت فقط

و رغم ذلك .... ربما وقتها لا اجد الوقت الكافي لمعرفة اجابة سؤالي

لانني من متعة النظر الي وجهك الكريم .... سانسي ما كنت اريدة

و لكنني متاكد من كرمك يا رب

و انك وقتها الذي ستجاوب علي سؤالي

****

و اخر دعوانا

ان الحمد لله رب العالمين

2009-05-22T15:22:00.005+03:00

عزازيل

ــــــــــــــــ

اشتريت - بعد طول انقطاع - و قرأت اخيرا عزازيل

تتحدث الرواية عن هيبا المصري الذي عاش في القرن الخامس الميلادي .... هيبا الذي لم يعرف او يحدد مبتغاه من الدنيا .... تتقاذفه الرغبات و الشهوات و لم يستطيع تحديد توجهاته في الدنيا .... هل سيصبح راهب ام طبيب ام شاعر

****

هل هي صدفة ان يصبح اسم التدليل الخاص بي منذ فترة ليست ببسيطة

هيبا

****

اليك بعض الكلمات العبارات التي اعجبتني جدا في الرواية

****

الله لا يخلق الشر .. و لا يفعله .. و لا يرضي به .. الله كله خير و محبة.

لكن ارواح الناس كانت تخطئ الطريق في الازمنة القديمة .. حين يظنون أن العقل كاف لمعرفة الحقيقة .. دون خلاص يأتيهم من السماء

****

النوم هبة الهية .. لولاها لاجتاح العالم الجنون.

كل ما في الكون ينام .. و يصحو و ينام .. إلا آثامنا و ذكرياتنا التي لم تنم قط .. و لن تهدأ أبدا

****

ماذا عن خطايا أوكتافيا ؟

هل سيعاقبها الرب عليها .. أم يتجاهلها لأنها وثنية لا تؤمن به؟

أتراه يعذب , فقط , المؤمنين .. أظنه سيعفو في النهاية عن الجميع

لأنه رحيم

****

كان ذلك هو الدرس الأول الذي تعلمته في هذا الدير, و افادني كثيرا علي نحو خفي

لا ينبغي ان نخجل من امر فرض علينا , مهما كان , مادمنا لم نقترفه

****

كل الكائنات تحب النزول .. و تبتهج له

الا الانسان الذي يخدعه وهمه .. و تحدوه احلامه فيبهجه الصعود و الترقي.

****

قرأ رئيس الدير صلوات المساء .. فلم انتبه من استغراقي فيما جري مع مرتا , الا حين قال الجمع وراءه بصوت واحد : آمين

سألت نفسي ساعتها : أترانا نردد في كل صلواتنا , اسم الإله المصري القديم , آمون , مازجين في اسمه بين الواو و الياء ؟

و سألت نفسي : لماذا تعود إلي مصر دوما أصول الأشياء كلها , لا أصول الديانة فحسب ؟

****

انا لا اعرف الكثير عنها .. لم ارها من الداخل , و لم اري اي شئ من داخله , انا اطوف دوما بظاهر الاشياء و لا اغوص فيها

بل اراني اخشي الغوص في باطني , لكي اعرف حقيقة ذاتي الملتبسة

****

تحيا يا هيبا لتكتب .. فتظل حيا حتي حين تموت في الموعد .. و أظل حيا في كتاباتك .. اكتب يا هيبا , فمن يكتب لن يموت ابدا

****

و انت ..... ما رأيك ؟؟؟؟؟؟

2009-04-13T13:58:00.005+02:00

إياك

ــــــــــــــ

عزيزي يا من تقرأ سطوري هذة في أي وقت آو زمان .... بأي لغة إذا كنت لا تقرا العربية و تستخدم احدي التطبيقات المنتشرة علي الانترنت لترجمه العربية إلي اللغات االأخري و ذلك بغية معرفة كيف يفكر هولاء العرب و عما يكتبون .... كل هذا لا يهم

المهم هو إن تتفضل و تتقبل نصيحتي هذه التي أوجها إليك و ذلك لأنك عزيز علي و قريب إلي قلبي رغم انه لا تربطني بك سابق معرفه .... و لكن يكفني انك تقرأ كلماتي لكي أري انك تستحق إن استأذن منك بهدف نصحك

أرجو إن يتسع صدرك لما سوف أقول .... و تتقبله مني كناصح أمين جرب قبلك هذا الطريق الذي أراك إما واضعا أقدامك الأولي فيه أو لا تزال مصمما علي المضي فيه إلي النهاية ببصيرة بطل من أبطال الملاحم الاغريقيه .... إما أنا فقد خبرت هذه النهاية و عرفتها جيدا .... فأحاول مشفقا عليك لا أكثر أن أجنبك المشقة و التعب و أضع بين يديك خلاصة تجربتي

لاحظ انك لست مرغما طبعا علي إتباع النصيحة .... كما أرجو إلا تكون علي شاكلتي .... من هولاء الذين إذا اشتموا – و لو من بعيد – لهجة الأمر في كلام من ينصحهم .... فلا يكون تصرفهم إلا الاستماع إلي ما قال بهدف الرفض .... ثم التفكير في الرفض .... ثم في النهاية الرفض لمجرد الرفض .... أي إنني أتمني من إن تكون من الذين يسمعون القول فيتبعون أحسنه .... إما إن كنت علي شاكلتي .... فاعلم إن الأمر في لهجتي إنما هو خوفا و شفقة عليك .... قسما بالله ليس تسلطا أو شيء مما تظن

حسنا .... إليك النصيحة

لا تقرا

إياك .... و القراءة

حسنا .... لا تحسبها دعوة للجهل .... بل هي للحد .... فإياك ثم إياك ثم إياك و القراءة

صدقني إن دفع الضرر مقدم علي جلب المنفعة .... و هذه قاعدة شرعية قديمة استند عليها الكثير من العلماء في إصدار فتواهم

فبماذا تظن أن القراءة سوف تفيدك .... لا تصدق أن الكتاب خير صديق بل هو أسوءهم علي الإطلاق .... يسرق وقتك و يضعف نظرك و يحني ظهرك و ينمي – للآسف – خيالك , يزيد – و ياللحسره – معلوماتك و هي أشياء عليها محل خلاف كبير في الفترة التاريخية التي نعيشها

و الأسوأ من ذلك و الادهي – و الذي في الحقيقة اكتب إليك و أحاول نصحك لمنعك من القراءة هو ما ستؤدي إليه تلك العادة اللعينة في يوم من الأيام بك ........ الكتابــــــــه

صدقني .... ما من سبيل معروف حثي الآن لتتنجب هذه النهاية التي تؤدي أليها تلك البداية .... و ما من سبيل معروف كي تقضي علي آفة الكتابة هذه متي تمسكت بك .... تتملكك الرغبة في تسويد كل ما تجده أمامك من المساحات البيضاء .... تتفنن في اقتناء الكشاكيل و إشكالها لتكتب فيها .... و لن تنتهي الدوامة .... و لا يوجد أي علاج لها غير مقاومتها من المنبع .... منع القراءة

صدقني – مره أخري – انك بعد إدمان القراءة ستتجه فورا إلي الكتابة .... انظر معي إلي هذة الدورة المغلقة .... فأنت تبدأ حياتك صغيرا قارئا .... في البدء تقرا كتب بسيطة و ملونه , تحتوي علي الكثير من الرسومات .... بمرور الوقت تبدأ في اكتشاف روائيون و مفكرون يكتبون كثيرا .... تحلم بنفسك ممسكا بعناوين معينه .... تتعدد قراءتك بداء من أعمق كتب الفلسفة مرورا بعالم الروايات السحري و انتهاء بأبسط مجلات الرسوم .... ميكي

و تكتشف انك بمرور الوقت أصبحت تمتلك لغتك الخاصة .... مفرداتك التي تعبر بها عن نفسك .... و للأسف هذه المفردات لا تستطيع البقاء حبيسة صدرك طويلا .... بل هي دائما تطمح للهرب منه و الطيران بعيدا للرسو علي الأسطر أو المساحات البيضاء .... و أنت في هذة الحالة لا تستطيع إلا التسليم بعد مقاومه – طالت أم قصرت – و ذلك حسب شجاعتك إلا التسليم و البدء في تلمس خطواتك في عالم الكتابة

أراك مبتسما .... تسأل ما الضرر في ذلك ؟؟؟

اعلم – أعزك الله – أن الكتابة ليست مهنة أو هواية .... بل هي أسلوب حياة اقرب إلي الانتحار .... فهي تتطلب منك فقط التركيز فيها هي وحدها .... لا شيء سواها .... حثي إنني احسد بعض الكتاب المتزوجين و ناجحين في زيجاتهم .... فالكتابة ى ترضي بديلا إلا أن تكون الأولي في حياتك

و لا تنتهي متاعب الكتابة عند هذه المرحلة بل بالعكس هي أول المتاعب .... حتى لك كصاحب مدونة فقط لا غير .... صدقني , ستبدأ المدونة فقط بغرض التعبير عما بنفسك فقط .... ثم لن تلبث أن تقاوم رغبه عارمة في إطلاع اهلك و اصد فائك المقربون علي هذا السر الجديد في حياتك .... و تبدأ في اصطناع الفرص كي تبلغهم انك ألان عندك مدونة و تتمنع – كبنت خجول عذراء – في إعطائهم اللينك .... ثم بعد فتره تصبح أراء أصدقائك المقربون غير كافية .... أو عير مرضيه لك فهم في أي حال أصدقائك الذين بكل تأكيد سيجاملونك علي ما تكتب , و ربما تجد واحد أو اثنين منهما يتخذان منك موقفا عكسيا لكل ما تكتبه من منطلق انه لا بد من تواجد معارضه .... فتتجه إلي إعطاء العنوان إلي كل من تعرفه سواء كان صديقا أو ليس بذلك .... ثم يصبح أيضا هذا العدد غير مرضيا لك فتتوجه إلي تصفح المدونات بصوره عشوائية كيفما اتفق و تترك تعليقا ليقوم أصحاب هذه المدونات بزيارتك و إبداء الآراء في ما تكتبه .... و الدخول بعد ذلك في دوامة التعليق و التعليق المضاد علي كل ما تكتب .... فهذا يعجبه ما تكتب .... و هذا يري انك أحمق .... و ذاك يظن انك زنديق .... و آخر يري انك مجرد واحد من القطيع .... و آخر .... و آخر .... و آخر .... و لا تنتهي الدوامة

إما عن الخطر في الكتابة عن السياسة أو الدين .... فأظن أن السجون تكتفي بما فيها من الذين كتبوا عن ذلك و ذاك و انتهوا إلي حيث ألقت .... كما أظن أصلا أن الموضوع لا يحتاج إلي المزيد من الكتابة .... فالكل يعرف المرض و يعرض عن العلاج بمحض إرادته

و من مساوي الكتابة أيضا – عزيزي – الماضي و ما يحمله من تبعات .... و من ظروف مرت بك فاستكتبتك في أشياء قديمة انتهت .... كعلاقة حب قديمة .... ثم انتهت ككثير من علاقات .... فتجد حينها نفسك مجبرا علي التبرير لزوجتك الحالية لماذا كتبت ذلك .... و كيف واتتك الجراءة لفعله

و ربما يصل الأمر إلي مشكله كبيرة تتمثل في المطالبة بالطلاق أو إرجاع الشبكة إن لم تكن تزوجتها بعد .... أو اضعف الإيمان أن تتكلف هديه ربما يصل مقياسها إلي 7.7 علي مقياس المئات من الجنيهات .... و ربما أيضا تفعل أكثر من ذلك و يصيبك في مقتل .... ربما تنظر إليك بشفقه معلنة لك أن للآسف أسلوبك الأدبي و الكتابي ضعيف .... مما يودي بك في دوامة الإحباط و محاوله تحسين الأسلوب و بدلا من محاولة العلاج تجد انك منغمسا بقوة في زيادة جرعه الكتابة

و ربما أيضا تطالبك بالكتابة عنها .... و لأنها جميله و تستحق أكثر فتجد نفسك عاصرا كافة خلايا مخك محاولا الكتابة بأسلوب و معاني و كلمات من أحسن ما كتبت .... و تكتب و تمزق .... تكتب و تمحي .... تكتب و لا ترضي عما كتبته .... فتبرر هي فشلك بأنك لا تحبها كالآخري .... و تكون القطيعة

اعلم أني بدعوتي هذة أول ما أغلق الباب عليه هو نفسي .... و أغلق أيضا علي كثيرين من الذين يكتبون سواء كانت هواية أو حرفة .... و لكن صدقني .... فبعد كل ما عددته لك من مساوئ الكتابة و ما تؤدي إليه .... صدقني إن الحل الوحيد هو القتل من المنبع .... بمنع القراءة

فما لك و أنت و كل هذه المشاكل يا صديقي .... أليس من الأسهل .... منع القراءة من البداية .... و ليكن ليس منعا كاملا .... يكفي فقط أن تكتفي بقراءة ما ليس هناك بد من قراءته .... كالصحف القومية علي سبيل المثال

و من فضلك .... رجاء أخير من آخ ناصح أمين

لا تقرا

و إن قرأت .... فلا تكتب

و إن كتبت

فلتتحمل المسئولية كاملة عير منقوصة .... فقد نصحتك و أنت لم تستمع

و أهلا بك .... في عالمنا

****

Look Here

2009-03-12T21:55:00.000+02:00

مترو

ــــــــــــ

اللي يعيش .... ياما يشوف

مثل شعبي مصري

****

و اللي يتفرج علي الناس .... هيشوف اكتر

إيهاب عبد الله .... مضيفا علي المثل الشعبي المصري

****

ربما لن أستطيع – أبدا – أن أتخلص من هذه العادة المرعبة التي تصاحبني الا و هي انني - علي طول - اعشق الفرجة علي الناس و أحوالهم و أفعالهم .

اسرح مع تصرفاتهم .... مع الأسباب التي آدت إلي الإتيان بمثل هذه التصرفات ... عن الخلفية الاجتماعية و الثقافية التي أدت إلي هذا البني ادم و ما يفعله .

ربما يظن البعض إنني أتفلسف .... و ربما كذلك أحاول آن اظهر في منظر المفكر الذي لا يعجبة المستوي الثقافي الإنساني الذي وصلت إلية الأحوال في البلاد .... و ما يحدث في المعاملات بين العباد .

و لكن العبد لله – الذي هو آنا – لا اهتم بكوني أي شيء غير ما آنا عليه .... و سعيد بيه جدا .... و لا أحاول بكلماتي و كتاباتي – التي لا تتعدي مرحلة الهرطشة في الكتابة – تغيير المجتمع آو تعديله .... ليس لترفع مني عن المجتمع و لكن لان المجتمع خلاص .... مابقاش فيه أي آمل

****

ربما لظروف التجنيد – الرائعة – هي ما دفعتني إلي أن أكون عضوا يوميا بالمعجنه المصرية الصنع و الحاصلة علي براءة الاختراع المسماة بمترو الأنفاق .... و معاصرة كل ما يحدث فيها من أول النضال لقطع التذكرة حتى النزول من المترو بسلامة الله .

و الملاحظ آن المترو هو الشيء الوحيد في مصر – حتى الآن – الذي تتمتع فيه بالمساواة .... فمنذ آن وضعت قدماك في محطة المترو و حتى تخرج منها فانه لا يوجد أي واسطة يمكن آن تنفعك .... فآنت دخلت بقدمك المعجنه و لا يوجد غير ذراعك و غتاتك هي التي تفيدك في المترو إلي آن تنهي رحلتك – برضه – بسلامة الله .

****

و أول الأثافي – كما قال أي شاعر – هي في قطع التذاكر .... فتجد عزيزي الراكب البشر علي شباك المحصل متكالبين لا يوجد أي شكل هندسي يمكن استخدامه لوصف البشر قاطعة التذاكر غير الكعبيره .... الأغرب من الكعبره يا سيدنا هو آن الناس متكيفة تماما بهذا الشكل الهندسي – ربما لأنه اختراع أيضا مصري 100 % - و الأكثر غرابه – و غلاوتك عندي – هو آن الناس تتذمر و تغضب عندما لا يتكعبرون علي هذا الشكل و اكبر دليل علي ذلك هو محطة مترو حلوان حيث يوجد أسوار حديده تجبر قاطعي التذاكر علي الوقوف في صف للقطع و ذلك يسبب حساسية لدي الكثير من الناس .... أرجو الا تنسي اننا في البدء قلنا أن المتوافر في معركة المترو هي غتاتك و ذراعك و الاثنان لا يمكن استخدامهم في الطابور .... لذلك نجد ان الشركة المديرة لمترو الانفاق حرصت علي راحة الشعب فجعلت كل المحطات الاخري في الخطين – المرج/حلوان و شبرا/الجيزه – بدون أي اسوار تجنبا للوقوف في الصف و عملا علي راحة المواطنين من الحساسية .

و ايضا هذا الشكل الكعبري يؤدي الي اراحة جموع شباب المتحرشين و تلبية رغباتهم في الحال .... بل علي العكس من ذلك فانه يوفر لك تنوع اذا كنت من من يحبون التحرش بالرجال – مش و لا بد يعني – فانك في شباك التذاكر هذا تستطيع ان تتحرش برجال كما السيدات .... فلا اظن انه في ليلة احد الاعياد اجد مجموعه من الشباب يحيطيون بشاب – حليوه و مسمسم و عامل حواجبه بالفتله و مسقط البنطلون – للتحرش به في وسط البلد .... هذا غير قابل للتحقيق الا في المترو .... كما يكسب البنات مرونه في الجسد حيث تفضل الكثير من البنات الوقوف في اقصي نقطه علي الشباك و تمد ذراعها فقط الي الداخل محاوله اقتناص الشباك .... و غالبا ما تنجح رغم وجود حالات اصابات بالظهر و تمزق عضلات .... و لكنني اظن انهم يفضلون تمزق العضلات علي تمزق حاجات تانيه .

و بعد ذلك تنتقل الي مرحلة البرود .... ربما يحاول احد الناس ان يطلب من احد اخر بادب و ذوق ان تقطع له معك تذكرة اذا لم يكن يرغب في دخول المعجنة .... فلا يقابل الا بنظرة بارده من الاخر – اهو و احنا في بلدنا مش عارفين نتقبل الاخر يبقي لما تتطلع بره البلد و الاخر مايتقبلكش ما تتكلمش – و يكون الرد : ماهي الدنيا زحمه قدامك هو انا عارف اجيب لنفسي لما اجيبلك .... و كأن التذكره التي سيقوم بشرائها ستعطله .... طبعا لا نحتاج للتنويه انه في حالة ما كانت الطالبة مزه – جامده – فاننا نجد الاخر يمكن ان يتبرع بثمن التذكره .... مما يدل ان لسه في تمييز للمراه – في صالحها – و لم يتخلص المجتمع بعد من كل شوائبه .

كل ما سبق لاحظته و اكثر في وقفتي لمتابعة شباك التذاكر .... اما اطرف ما حدث لي مع هذا الشباك – و ربما يحاسبني القانون عليه – هو انني مرة زوغت و نطيت من غير ما اقطع تذكره .

حدث هذا في محطة مترو احمد عرابي الساعة السادسة و النصف صباحا .... لم يكن في جيبي من نقود اليوم سوي عشرة جنيهات ورقه واحده .... و كانت – و الله – ورقه جديده من بتوع العيديه .... تعور اليد كما يقال .... تقدمت بها لشباك التذاكر راجيا من الله ان تتواجد فكه ... و لحظي الرائع كان المحصل يومها رجل ورع تقي من مطلقي اللحي و مكذبي حديث " تبسمك في وجه اخيك صدقة " .... و موجود امامه كومه من النقد الفكه من كل انواع العملات – من الربع جنيه حتي الخمسه – فتوكلت علي الله و تقدمت من الشباك و القيت السلام فلم يرد فطلبت منه انه يقطع لي نصين – العبدلله كان بالزيتي و تجوز عليه نص التذكره – فقام مشكورا باعطائي ما اريد و اعطاني الباقي و فيه 2 جنيه متقطعين تماما الي اقصي درجه .... فطلبت منه بادب و ذوق انه يغيرهم فرجع واحد و هو ينظر لي نظره الجلاد حينما ينظر الي الزاني لحظة تنفيذ العقوبه و برضه اداني واحد غير صالح للاستهلاك الحيواني .... برضه بنفس درجة الادب طلبت منه تغيير الجنيه البايظ .... فلم يعد في قوس صبر الرجل منزع فسألني بعصبية

- ماله الجنيه ده ؟

- بايظ و مقطع

- يعني عايز ايه ؟

- لو سمحت غيرهولي .... ماحدش بيرضي ياخده و لا حتي في المترو .... و بعدين حضرتك في فلوس كتير فكه قدامك .... و انا مديك عشرة جنيه جديده ( كل هذا الكلام بصوت هأدي و مشفوع بابتسامه )

- بقي كده .... طيب

و طلب مني باقي الفلوس اللي معايا و طلب التذكرتين و انا كمواطن صالح سمعت كلام الموظف المؤمن التقي علي الصبح – رغم اني عارف ايه اللي هايحصل – و اديته اللي هو عايزه برضه بابتسامه و مشفوعا بكلمة اتفضل .... بعد ذلك قال

- خد فلوسك .... و روح هات فكة و تعالي اقطع

- انت تأمر يا حاج

و بكل هدوء و بساطة اتجهت – بدون تذاكر – ناحية الماكينة .... و قفت امامها و نظرت له من وراء ظهري نظره طويله غامضة لزوم الحبكة السينمائيه .... و رحت – هوب – نطيت من فوق الماكينة ..... راح هو منطور من مكانة و بيصرخ بصوت عالي

- يادفعه .... انت يا دفعه

التفت فقط له و نظرت نظرة تشفي .... و مشيت علي الرصيف

****

من المواقف التي توضح ايضا الي اية درجة اصبحت روح الشعب المصري – الفكاهية كما تذكر الكثير من الكتب – و كيف تطورت الي روح مش و لا بد

كنت واقف في المترو اشاهد تلفزيون المترو و بجواري احد المواطنين الشرفاء الكادحين في العمل و المواصلات و كل حاجة قابلة للكدح .... و راينا سويا اعلانا في تلفزيون المترو يدعو الاخوه المواطنون الراكبون الذين يحملون موبايلات – جامدة مش زي أي موبايلات – انهم يرحموا اخواتهم المواطنين و ماحدش فيهم يشغل اغاني او نغمات او حتي أي مواد دينية – زي ما في الاعلان بالظبط – و ذلك حتي لا يتسببوا في ازعاج للناس اللي معاهم في العربية

ده كان مضمون الاعلان .... ايه بقي رد الفعل اللي اتي بية المواطن ؟

بص للتلفزيون بنظرة غريبة جدا .... و بعدين قال

- اية ولاد الوسخة دول ؟؟؟؟

و ساب التلفزيون و سابني و انا هاموت و اسأل .... اية وجه الوساخة في كدة ؟؟؟

****

و بعد كدة لما يجي بسلامتة – المترو – يبدا البشر في التجهيز للركوب .... و هي فرصة لمن فاتتة كعبيرة شباك التذاكر ان يتكعبر مرة اخري امام باب المترو .... قاطعا بذلك الطريق علي من يريد ام ينزل و كأن لا يوجد غيرة للركوب .... مع انه و بكل بساطة نجد ان لكل عربة مترو اربعة ابواب .... البابان اللذان في اول و اخر العربة للنزول .... و اللذان في المنتصف للصعود .... و قامت مشكورة ادارة المترو بتوضيح ذلك بالملصقات .... و مراعاة منها ان نسبة الامية كبيرة في البلد فقد قامت بوضع اسهم حتي يستطيع الشخص معرفة اين باب الصعود و اين باب النزول .... و لكن .... يظل للشعب المصري عشق رهيب في التلاحم و التلاصق حتي في اثناء الطلوع و النزول

****

ان المصري يمتاز بسرعة رهيبة علي تغيير وضعة و قراراته و توجهاته لذلك لا تفأجا اذا وجدت شخص – أي شخص - يدعي صفات معينة و بسرعة تجدة ياتي بعكس هذة التصرفات .... يظهر ذلك واضحا في عملية الطلوع و النزول .... تجد اثناء الطلوع يقوم المواطن بالحركة بسرعة شديدة و دفع كل من امامة حتي يستطيع اللحاق بالمترو قبل اغلاق الباب .... و لكن ما ان يضع قدمة في المترو حتي تنعكس الاية تماما .... يصاب المواطن ببلادة و تبلد و بالغين و لا يتحرك من مكانة – الذي يكون بجوار الباب – بل و يتصلب تجاه أي محاولات لزحزحته و ربما كذلك يصل الموضوع الي شجار مع من يركب حتي لا يتحرك من مكانه مما يعد تجسيدا حيا لنظرية انا و من بعدي الطوفان

****

و عند ركوب المترو تصطدم بمشهد اخر من مشاهد التدين – السطحي الشديد – لدي المصريين الذين يتميزوا به دونا عن باقي الشعوب .... تركب المترو من هنا و تجد اعلانات موبينيل بتاعة احسن ناس و فيها البنتين .... و تجد احد افراد الشعب المؤمن قد قام بعمل في الفتاتين لنصرة الامه و ارضاء الله و رسوله .... تجد انه قام بواسطة موس او مفك او أي الة حادة بتمزيق وجه – فقط وجه – الفتاتين تاركا لك شعر و اذرع عارية للفتاتين .... اذرع تؤكد لك تماما بما لايدع مجالا للشك ان التي في البيت نوع و هولاء نوع اخر .... و يقوم ايضا هذا الغيور علي دينة بتشوية المكان تحت الوجه من المترو و ايضا عدة اماكن اخري في المترو و ذلك عقابا للشركة علي ما ارتكبته من جريمه تتلخص في محاولة اغراء شباب هذة الامه

و لله الامر من قبل و من بعد

****

ربما يسعفك الحظ فتكون واحدا من الذين يستخدمون خطين المترو في نفس الرحلة .... فذلك سوف يفيدك جدا في رؤية تطبيق حي للمثل القائل

تجري يا ابن ادم جري الوحوش .... غير رزقك لن تحوش

فعندما يقف المترو في احدي محطات التبديل – مبارك او السادات – تجد الراكبون مستعدين و ما ان يفتح المترو بابه حتي يبدا السباق بالجري علي السلالم – صاعدا او هابطا – بدون أي انتظار او هوادة في الامر .... و ربما لو كنت مثلي من الذين يحبون التمهل و المتعة و الفرجة اثناء صعود السلم المتحرك فربما تجد من دفعك بقوة في كتفك او نحاك عن الطريق دون أي كلمة اعتذار منه او حتي شعور تافة ضعيف بالذنب .... و صدقني ان لم يلحق هذا الجاني بالمترو فالاحسن لك ان تختفي من امام ناظرية و ذلك لانك في هذة اللحظة فسوف تكون بالنسبة له السبب في كل فشل و حادث سيء حدث لة منذ ولادته .... و ما اكثر الفشل في حياة راكبي المترو

يتحرك – المصريون – بسرعة شديدة في اللحاق بالمترو .... كأنه اخر مترو .... او كأنة السبب الوحيد في تعطلهم هي تلك الدقائق التي ستزيد في في مشوارهم اذا فاتهم المترو .... هذه الدقائق فقط هي التي ستعطلهم .... و لكن الوقت الضائع – الذي يصل للساعات – امام التلفزيون و الشات و الاغاني و المطربين و التفاهات و المسابقات و مباريات و .... و .... و .... كل هذا لن يتسبب في ادني مشكلة .... فقط دقائق المترو هي السبب الوحيد .... لهذا .... اجري اجري اجري .. وصلني قوام وصلني

****

اخر ما سوف يضايقك في المترو هو منظر عسكري جيش واقف بجوار الباب .... ممسكا في يده نوته فضي صغيره و قلم رصاص خشبي – بعد ما تخلي عن الروترنج – يدير عينه بجشع و نهم في اوجه الركاب – و منهم انت – ثم يكتب ملاحظات صغيره في النوته و يغلقها و يضعها في جيبه

ثم يغلق عينيه .... و يحلم

ملحوظة : اتكتبت الهرطشة دي قبل ما فترة تجنيدي تخلص

2009-02-27T16:41:00.005+02:00

حفل توقيع العدد الثالث من سلسلة مدونات مصرية للجيب

ـــــــــــــــــــــــــــــــــــــــــــــــــــــــــــــــــــــــــــــــــــــــــ

كتاب "أنا انثى " ..لمجموعة من المدونات النساء

أول كتاب يناقش اهتمامات المرأة بقلم مجموعة من النساء ويطرح القضايا للنقاش

ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق

ومن المشاركات في كتاب ..أنا أنثى

نوارة نجم

اسر ياسر

ايناس لطفى

نرمين البحطيطى

شمس الدين

د . رشا عبد الرازق

بيلا شريف

مكسوفة

بسمة عبد الباسط

مريم الغنيمى

إيمان نادى

زهراء امير بسام

آية الفقى

مروة السيد

أميرة محمد محمد محمد

فاتيما

مذكرات عانس

نرمين البحطيطى

سلمى أنور

انجى سمراء النيل

سارة ابراهيم على

سمر مجدى

مروة النجار

شيماء حسن

نسرين عبد النعيم

د.مرام محمود

ايناس لطفى

نجلاء الشربينى

محاسن

يصاحب الحفل عرض فيلم قصير

========================

المكان

المركز الثقافى الدولى

17 ش السد العالى ميدان فينى الدقى

الشارع المقابل لشيراتون الجزيرة

اقرب محطة مترو انفاق محطة الاوبرا

الزمان

يوم 3 مارس الساعه 4.30 عصرا

2009-02-17T20:00:00.006+02:00

حواديت (2)

ـــــــــــــــــــــــــ

اللهم لك أشكو ضعف قوتي .... و قله حيلتي .... و هواني علي الناس ...... هواني علي الناس

****

زى كل عيل يتولد في المحروسة.... كانت بداية معرفتي بربنا عن طريق إن ربنا في السما فوق و بعيد تقريبا نسيوا دي

قال تعالى: (وَلَقَدْ خَلَقْنَا الإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ) [سورة: ق - الآية: 16]

لكن ربنا شايفك و ها يحسبك علي كل حاجه بتعملها و هاتدخل النار لو ماسمعتش كلام بابا و ماما و ازاي عذاب ربنا هايكون و ازاي ان نار الدنيا دي جزء من 70 جزء من نار الاخره

****

مش عارف ... بس انا كل ما كنت في سن صغيره عمري ما رفعت راسي للسما و لا حسيت بربنا قريب مني الا في ساعه لما كنت باعمل حاجه غلط ... ساعتها كنت بفتكر علي طول العذاب و اللي هيحصلي نتيجه الغلط اللي انا عملته و ازاي هتتشوي في جهنم .... نياهههههههههههههههاااااا

كنت لسه صغير بقي و معتقد اني المذنب الوحيد الموجود في الكون

ماكنتش لسه اعرف ان فيه ناس بتجيب مبيدات سرطانيه تموت بيها ناس

و ناس بتغرق ناس في البحر

و ناس بتسحل ناس في الشوارع

و ناس بتخفي ناس

و ناس بتتحرش بناس

و ناس .... و ناس ... و ناس

****

برضه اللي فاكره في الموضوع ده و انا صغير ان ماحدش علمني اداب الدعاء .... و لا حتي الاسلوب اللي ادعي بيه ربنا ... و نتيجه اني لما كنت باحضر صلاه الجمعه و اسمع الامام بيدعي بالاسلوب بتاعه المميز ده ( كلام منغم و فيه سجع ) اني افتكرت ان ده هو الاسلوب الامثل و الصح للدعاء .... و ان ربنا مش هايستجيب للدعاء الا اذا كان بالاسلوب ده ..... فنتيجه ده طبعا اني كنت كل ما احاول ادعي ربنا في أي حاجه او أي موضوع كنت بانسف الفكره دي من الاساس لاني مش هاعرف ادعي ربنا بالكلام الصح و ربنا مش هايستجيب ليا .... اصلي ماكنتش اعرف دي

قال تعالى: (وَإِذَا سَأَلَكَ عِبَادِي عَنّي فَإِنّي قَرِيبٌ أُجِيبُ دَعْوَةَ الدّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلّهُمْ يَرْشُدُونَ) [سورة: البقرة - الأية: 186]

بس لسه فكر كويس اوي اول مره كنت بادعي ربنا فيها عشان كنت كاسر زجاج ترابيزه السفره و كان الموضوع هايقلب بغم .... كنت بادعي واقول : ربنا يخليك يا ربنا ما ياخدوش بالهم ... ربنا يخليك يا ربنا ماناكلش النهارده علي السفره

و المره التانيه برضه كانت لما زلزال 92 الشهير حصل ... ساعتها نزلنا نجري من البيت و كلنا حافيين ... و ساعتها كان فيه عيل صغير – اللي هو انا – كان بيقول يارب استرنا ده احنا غلابه

مش فاكر سمعت الكلام ده فين بس هو اللي جه علي لساني ساعتها

و استجاب ربنا و سترها

****

برضه فاكر لسه اول مره حصلتلي فيها صحوه دينيه و ابتديت ابقي ملنزم دينيا .... ملتزم بعد عده مرات من التزويغ و التطوير في التزويغ ده كمان – بدايه من اني كنت في الاول باصلي كل حاجه في ميعادها ثم مرورا بان كله في اخر اليوم و نهايه بعدمها اصلا - و موضوع الالتزام ده و انا كان عندي بتاع 9 او 10 سنين و الموضوع ده حصل لما وقع في ايدي كتاب زي حصن المسلم كده ... و كان اسم الكتاب " الدعاء المستجاب من السنه و الكتاب " .... و الكتاب كان فيه فصل عن فضل الاستغفار و ازاي ربنا يغفر للبشر و لازم يعملوا ايه .... و طبعا من وجهه نظري ساعتها اللي بتوضح اني البني ادم الوحيد اللي هيدخل النار فكان لازم اهتم بالفصل ده و خصوصا انه كان هو الباب اللي ممكن اعرف اهرب منه من النار

و بعدين لقيت الموضوع فيه غريب جدا .... ساعتها كان الموضوع حلو و جميل بس بعد كده قلَب بغريب اوي , ساعتها كان مكتوب في الكتاب احاديث عن الرسول – صلي الله عليه و سلم – فيما معناها ان ممكن ذنوبك كلها ربنا يغفرهالك لو رددت سبحان الله و بحمده مائه مره .... و كان الموضوع اسهل من اني اقاوم الاغراء .... رحت جايب السبحه الجميله و هاتك يا عد في ميات ..... و بعد كده دخلنا علي موضوع غرس النخل في الجنه ..... و هاتك يا عد برضه .... من منطلق ان ماينفعش ان نخلك يكون جوه و انت بره .... مين هايخد باله من نخلك ؟؟

****

بعد كده كان فيه اختفاء لعلاقتي بربنا في فتره الدراسه الاعداديه ... ماكنش فيه بمعني اصح أي حاجه كانت مميزه ساعتها .... كمان فاكر اني كنت منقطع عن الصلاه ساعتها بصوره كامله ... بس في اخر سنه في اعدادي لما كنت لوحدي فعلا مالقيتش حد جنبي غير ربنا

و ساعتها ابتديت ابص لربنا باسلوب تاني خالص

****

هو احنا اصلا .... اتخلقنا ليه ؟؟؟؟

****

ابتديت في الوقت ده احاول ادور علي اجابه تريحني نفسيا للسؤال ده ... احنا اصلا ليه ... و منين ... و علي فين ؟؟؟؟

و فضلت ادور علي اجابه طول 3 سنين في ثانوي

****

في اول سنه ليا في ثانوي كانت اول مره اتعامل مع التدين الشكلي .... مش تدين شكلي بالمعني المعروف لكن اول مره اعرف ان في حاجه اسمها مظهر اسلامي

كان اول ولد اشوفه كده واحد زميلي في المدرسه كان اسمه عمرو السيد – هو دلوقتي خلص كليه زراعه و اطلق لحينه و تقريبا زمانه اتجوز عشان يدرأ الفتنه عن نفسه - .... و كان عمرو ده ساعه المدرسه هو اللي عرفني السواك و المسك و المصحف اللي بيتحط في الجيب علي طول و كان هو اللي بياذن في الجامع بتاع المدرسه بتاعنا و انا اللي كنت بامسكله الميكرفون لانه كان ميكرفون من ابو بطاريه

و لسه فاكر شكله مره لما كان بياذن من غير ميكروفون لانه ماكنش في فلوس في ميزانيه المدرسه ان احنا نجيبله بطاريات .... كان بيعلي صوته و بيحزق قوي و وشه احمر عشان صوته يعلي فوق صوت الدوشه اللي العيال في المدرسه عملينها في الفسحه

و للاسف ماعرفش يعمل كده .... و صوته ضاع في الزحمه

****

انا برضه لسه فاكر لما كان عمرو بيحرق ورق كان واحد زميلنا بيوزعه ... و الورق كان بتاع الشيخ احمد حامل مفاتيح الحرم النبوي اللي لو وزعته هتكسب و لو ماوزعتوش كل اهلك هايموتوا و الكلام الكبير ده .... المهم ان صاحبنا ده كان مقتنع بالورق ده و مصوره بتاع 50 نسخه و بيوزعه في المدرسه و لما عمرو حاول يقنعه و الولد ماقتنعش فـ عمرو قال حديث انا لسه فاكره – من رأي منكم منكرا ... فليغيره بيده

و ماكملش باقي الحيث

****

بعد ما المدرسه خلصت .... عمرو و ماجد - واحد من زمايلنا - اللي بيصلوا في الجامع معاه جريوا علي الولد اللي معاه الورق ده و هجموا عليه و اخدوا الشنطه بتاعته غصب عنه .... ماجد مسك الولد و كتفه ... و عمرو فتح شنطه الولد و طلع منها الورق اللي كان بيوزعه و حرقه

علي اعتبار ان الورق فيه اسم ربنا و ماينفعش يتقطع .... و الولد المتكتف عمال يحاول يفك نفسه و ينقذ الورق اللي بيوزعه بس ماعرفش

و انا كنت واقف اتفرج

****

عمرو زي ما قلت بقي خريج كليه زراعه و اطلق لحيته و اظن اتجوز

و ماجد بقي وكيل نيابه

و الولد اللي بيوزع .... اختفي من الصوره تماما

****

خلصت اول سنه في ثانوي ... سنه بـ 16 ماده .... و الغريب اني كان ليا ترتيب علي المدرسه – كنت الـ 11 من حوالي 300 – رغم ان كان فيه بتاع اربع امتحانات ماكنتش فاهم فيهم أي حاجه

و خرجت - من امتحانتهم - حيرتي اكتر مما دخلت

****

و كعاده كل الناس اللي بتعرف ربنا بس ساعه الازمات .... و هو فيه ازمه اكتر من الثانويه العامه ؟؟؟

ساعه الامتحانات بقي مش عايز اقول .... صلاه و قران و غض بصر و يمكن كمان صوم تطوع ... لا وكمان بعد النتيجه صلاه شكر و مواظبه علي الالتزام ده بس ماكنش بيزيد عن شهر او 5 اسابيع بالكتير .... و كل عام و انتم بخير

بس الغريب في حاجه ... اني أي دعاء كنت بدعيه في الفتره دي كان ربنا بيستجيب

و نجحت و دخلت هندسه ... فهل ده معناه ان ربنا تقبل مني الصلاه و الاعمال دي و لا ....

قال تعالى: (وَلاَ يَحْسَبَنّ الّذِينَ كَفَرُواْ أَنّمَا نُمْلِي لَهُمْ خَيْرٌ لأنْفُسِهِمْ إِنّمَا نُمْلِي لَهُمْ لِيَزْدَادُوَاْ إِثْمَاً وَلَهْمُ عَذَابٌ مّهِينٌ) [سورة: آل عمران - الأية: 178]

****

و دخلت الجامعه

و اتغيرت طبيعه علاقتي بربنا

تماما

2bc ………………………….

2009-02-06T10:37:00.017+02:00

مجرد كلام

ــــــــــــــــــــــــ

وضعت خاتم الخطبة في راحة يده .... أغلق يده علي الخاتم و تمني لها التوفيق .... و انتظر حتي اختفت من امامه .... ثم فتح يدة و نظر الي الخاتم جيدا و اخذ يفكر

كيف سيقضي ما تبقي له من العمر بدونها ؟؟؟

****

سادت فترة من الصمت المظاهرة .... ثم هتف احد المتظاهرين

مصر هتفضل غالية عليا

فصدرت الاوامر بتفريق المظاهرة بالقوة

****

نظر الي المستندات امامه .... تنقصها الكثير لتكتمل .... رفع عينيه الي مقدم المستندات امامه ليقيمه .... فتح درج مكتبه الايمن و قال له

كل سنة و انت طيب

و فرح لان ما حصل علية يكفي لدفع ثمن الستائر التي تحتاجها ابنته للزواج

****

لم يستجب المحاضر لطلبها بالدخول متأخرة .... لم يقتنع باسبابها في التاخير للمضايقات التي تتعرض لها في المواصلات لكونها منقبة .... و تعجب الطلبة حينما سمح لاخري ترتدي القصير من الدخول بعد 10 دقائق .... دون اي اعتراض

****

توقفت السيارة بصورة حادة .... فتح الباب و دفعها خارجا .... وقفت تسبه و تلعنة و هو ينطلق هاربا .... هدأت بعد ان اختفي بالسيارة .... نظرت بحسرة الي حيث اختفي .... اصلحت هندامها .... و وقفت تبتسم بأغراء للسيارة التي تهدئ من سرعتها لتقف بجوارها .... و ركبت فيها

****

وقفا في المطار بعد ان اقنعتة بالهجرة ليتمكن من توفير متطلبات الزواج .... ودعته بالدموع .... خرجت من صالة المطار لتجري اتصال باخر لتحديد ميعاد لمقابلة والدها

****

أوقفوه علي الحاجز للتفتيش كالعادة .... و لكن هذه المرة تختلف .... تذكر استشهاد أمه و اخواتة .... دموع و عجز اباه .... أغمض عينية و ابتسم .... جذب الفتيل .... و كان آخر ما رآه وجوة ليست بوحوه انس و لا جان

****

نظر الية بقسوة و طالبة برخص السيارة .... اعطاه السائق ابتسامة صفراء و مد يد مضمومة اليه .... التقط اليد في هدوء و اخذ ما بها .... و تركة يذهب

****

نظر الي امامة .... هولاء قوم يرفعون المصاحف و يطالبون بتطبيق شرع الله لا اكثر .... فلماذا يحاصرهم

صدرت الاوامر .... تألم و اغمض عينيه .... و هوي بعصاه علي المحاصرين

****

لم تعد تتحمل نظرات الاخرين اليها .... تقدمت الي المدير باستقالة لظروف خاصة .... خرجت تلملم ادواتها و تتحاشي نظرات الشفقة في عيون الاخرين

اللعين .... لماذا تركها بعد كل ما كان

2009-01-26T10:57:00.005+02:00

غزة

عفوا يا غزة

تأخرت كثيرا في الكتابة .... كنت أحاول الهروب من واقع انه لا مفر من الكتابة يوما عنك

و لكنني رغم كل شيء لن اكتب .... اعذريني مرة أخري

تم كتابة الكثير و الكثير

فكم من الأحبار أريقت في الكتابة عن القضية و عنك أنت بالذات

كم من الكثيرين أحسوا أنهم آدوا واجبهم تجاهك بالكتابة و التحليل و نقل المعلومات عما يحدث داخلك إلي العالم – و كأن العالم القاسي لا يعرف شيئا عما يجري – ثم ينهون الكتابة و ينامون مطمئنين امنين بينما أنتي تحت القصف و القهر

و لست وحدك المقهورة

لقد أدمنت – أنا – العجز يا غزة

أدمنته منذ عجزت عن اتخاذ قرار تجاه ما يحدث في حياتي من أي شيء .... حتى وصلت إليك

و امتد العجز يا غزة حتى وصل إلي العجز عن الكتابة

غزة

لا تنتظرينا الآن

فالفارس الذي سيحررك

لم يولد بعد

و ربما أباه أيضا لم يولد

و كذلك جده

غزة

يا جميلة

لا تملكين إلا التزين

و الانتظار

لفارسك القادم

الانتظار

فقط .... الانتظار

غزة

تحت الفسفور أنت وحيدة

و ستظلين

إلي مدي غير معروف من السنين

فلا تملكين إلا الانتظار

و لكن إياك و إدمانه

كما أدمنا نحن العجز

و القهر

و الكسل .... و الكفر

انتظري

لا تهني .... و لا تحزني

انه قادم

هكذا علمونا

أننا سنعود يوما

لنسود العالم

و نحررك

و أصارحك القول

بدأت اشك

ربما ستظلين هكذا

إلي يوم أموت

أسيرة

دليل علي المهانة

و ربما أكون

جنديا في جيش الفارس

أحررك

ولكن قبل تحريرك

لابد

آن أحرر نفسي

و حتى ذلك الحين

عفوا غزة

أنا .. متؤاطي

2008-12-29T13:29:00.003+02:00

و لا هيوصل

ـــــــــــــــــــــــــــــــــ

النيل سؤال و مازال ... ماجاش عليه الرد

****

واقفا علي كوبري الجامعه .... محملقا في كوبري عباس .... شاعرا باهتزاز الكوبري تحت اقدامي و مستعيدا كلام دكاتره مدني ان ده عادي و مش مشكله لانه لسه في السيف سايد

متفرجا علي الكبلز اللي رايحين جايين رغم ان الساعه لسه واحده الضهر

و تترد داخلي كلمات منير عن سؤال النيل الذي لم ياتي عليه رد بعد .... و مفكرا – بالمره – انه كما ان النيل يشبهنا في بؤسنا و همنا و ايضا لوننا ... فاننا ايضا نشبه النيل كثيرا في اننا عندنا اسئله كتير .... ماجاش عليها الرد

****

دعك من السؤال الازلي ان ليه ماحدش فاهمني في الحياه الدنيا دي .... و ما حدش حاسس بينا – علي رأي ملك الجيل – لكن في حاجه اهم

ليه انك لما تختار البوني ادم اللي هاترتبط بيه بقية حياتك .... فتفاجا بيه انه مش فاهمك و دي مشكله .... بس الكارثه فعلا انه يكون فاهمك و في نفس الوقت متعمد يعمل انه يعمل كل حاجه تغيظك و تطلع عنيك لسببين : يا اما عايز يدوس عليك عشان يعرف غلاوته عندك – رغم انها واضحه جدا .... او عشان يشوفك و انت متنرفز هتتصرف ازاي

هه .... ليه ؟؟؟؟

****

ليه لما بتكون بتحب حد قوي و هو بيحبك جدا كانكم رجلين في بنطلون واحد – جينز من فضلك – و بعد كده تفاجا ان كل واحد فيكم ماشي في سكه تانيه غير التاني خالص

هه .... ليه ؟؟؟؟

****

مغيرا وضعي من الحملقه في كوبري عباس الي مشاهدة البرج مواصلا – و بكل غلاسه – الاسئله

****

ليه برضه قبل ما اخطب ماكنتش عارف امش ككبل مع بنوتي علي كوبري الجامعه – متحاشيا كوبري عباس لاسباب تتعلق بالمستوي الاجتماعي للماشيين عليه – و حتي بعد الخطوبه لما حاولت اعمل كده كان الرد : انا خطيبتك مش المزه بتاعتك .... يعني مافيش كوبري اجامعه غير لوحدي و مافيش احساس انك كبل لحد ما تموت

هه .... ليه ؟؟؟؟

****

ناظرا الي جامع صلاح الدين اللي في اول المنيل ... شاعرا بعظمه الله في قلبي .... مكملا – اسئله – بتناحه منقطعه النظير

****

ليه الناس دلوقتي بقيت محسساني ان بقي فيه اكتر من ربنا واحد – استغفرك و اتوب اليك – و كل واحد من الارباب دي مسئول عن حاجه معينه .... يعني زي اخوانااليونانين بتوع زيوس و مارس و هيرا – اسماءالارباب الاغريق للي مش كان متابع هرقل و زينا – ماهو يعني مش منطقي ان ربنا اللي بيتكلم عليه عمرو خالد – انه الرب الذي يحب عبيده و ازاي الرحمه في ربنا في كل حاجه حتي في الموت و ازاي ان برضه ماحدش داخل الجنه الا برحمته – يكون هو نفس الرب بتاع محمد حسان و ابو اسحاق الحويني – اللي هيعذبنا عذاب الدنيا و الاخره في القبر – عشان نظره فلتت مننا لواحده في الشارع ... ليه الناس المسئوله عن الدعوه الدينيه مايتلموش كلهم كده و يتفقوا علي حاجه واحده عشان المشوشين امثالي في الدنيا .... و هما كتير علي فكره

هه .... ليه ؟؟؟؟

****

و ارفعا راسي الي اعلي لمشاهدة العلم اياة بيرفرف علي النيل و متذكرا ما حدث .... و يحدث .... و سيحدث في غزه

و السؤال المرد دي .... ليه العجز

هه .... ليه ؟؟؟؟

****

ناظرا الي النيل بشده مفكرا في القفز فيه و اراحه دماغي مما فيها ... ثم لم تواتني الشجاعه للقفز

هي الشجاعه ماجاتش ليه ؟؟؟

هه .... ليه ؟؟؟؟

****

و لا بيوصل

2008-11-13T18:52:00.005+02:00

العظيم ... الرحمن الرحيم

ـــــــــــــــــــــــــــــــــــــــــــــــــ

قال تعالى: (نَبّىءْ عِبَادِي أَنّي أَنَا الْغَفُورُ الرّحِيم ۞ وَأَنّ عَذَابِي هُوَ الْعَذَابُ الألِيمُ) [سورة: الحجر - الأية: 49:50 ]

لا اعتقد أنها تحتاج إلي أي خواطر او إيضاح .... فالموضوع أسهل و أوضح من أي شئ

ما جذب انتباهي – بغض النظر عن فرحه الشيخ احمد العجمي و هو ينطق الايه الأولي و الخوف و هو ينطق الثانية – الترتيب الذي اختاره العلّي العظيم لكي يصف نفسه

اختار العظيم ان يكون أول ما يصف به نفسه هو انه (الغفور الرحيم ) ... المغفره للبشر الخطاون الذين يظلمون انفسهم بارتكاب ما يرتكبونه .... ثم بعد المغفره – و ياللرحمه – نجده ايضا الرحيم الذي يرحم عباده في الدنيا و في الاخره

ثم بعد ذلك نجد ان العظيم يعود لتوضيح ان عذابه هو العذاب الاليم .. و لكن بعد كل رحمه و مغفره العظيم ... من تتوقع ان يلقي في العذاب الا من يستحقه من من حق عليهم القول

فالي كل من اغلق ابواب رحمه العظيم في وجه عباده ... و يا كل من اعتقد انه الوحيد المحتكر باب العظيم و غيره علي ضلال ....و الي كل من اعتقد هو و من يتبعونه انهم الفئه الناجيه و غيرهم علي ضلال.... الا تفكرون مجددا.... الا تفتحوا ابواب اغلقتموها في وجه عباد و كنتم سبب في ابعادهم عن الطريق القويم .... الا تستحون

الغفور .... الرحيم

اللهم اشملنا برحمتك فقط .... و لا نحتاج لاي شئ اخر في هذه الدنيا ... و اشملنا برحمتك في الاخره

2008-11-07T22:23:00.002+02:00

الغباء في معامله الابناء

ــــــــــــــــــــــــــــــــــــــــــ

مفيش اي وصف منطقي للي بيحصل ده غير انه غباء

اسلوب غبي و مستفز جدا في التعامل مع ولادك اللي انت مفروض يعني مخلفهم بمزاجك .... و برضه الاولاد دول شرفوا بسبب مزاجك .... و بسبب مزاجك الاسود ده اتهرينا حملات من اول " انظر حولك " مرورا ب " حسنين و محمدين .... و مراته عاقله و زين " انتهاء ب " وقفه مصريه "

بس يا عم ما علينا ممكن نستحمل كل الحملات دي و اكتر انطلاقا من الحفاظ علي مزاجكك.....بس اللي مش ممكن استحمله فعلا هو الغباء في التعامل اللي ممكن يوصلك لدرجه انك هتموت الغبي اللي قدامك

و التصرفات الغبيه دايما بتكون في وجهه نظر الاباء حاجه تافهه و بسيطه بل في بعض الاحيان بيفتكروا انها نوع من التربيه...بس بجد التصرفات دي بتفرق مع اي ابن

حاجات الصراحه يعني لما باشوف اصرار الاباء عليهل باقتنع فعلا – مع كامل احترامي ليهم – انهم بني ادمي اغبياء ..... و يمكن كمان مايستهلوش نعمه الابناء اللي ربنا انعم عليهم بيها و اللي في غيرهم بيتنشقوا عليها

يعني تلاقي الاب او الام اللي بيتميزوا بنعمه الغباء يكون ربنا رازقهم بولد او بنت زي القمر و مع ذلك تلاقي معامله منهم ماتعرفش توصفها الا بكلمه غباء مع العيال دول ..... طب ليه ؟؟؟؟

مش انت يا عن انت و مراتك اصلا متجوزين عشان تخلفوا العيال دي ..... مش لما موضوع الحمل اتاخر شويه لفيت انت و هي علي الدكاتره عشان تطمنوا علي روحكوا ...... امال ايه بس ؟؟؟؟

اما عن المواقف الغبيه دي فعن نفسي انا شوفت منها كتير ..... و منهم الاتي

1. مره كنت في محل و بنت صغيره و امها .... البنت فرحانه و بتجري علي بلاط المحل " البنت حوالي 4- 5 سنيين " و اثناء ما البنت بتجري اتكعبلت و ووقعت ... عادي يعني طفله .... البنت طبعا اتخضت من الوقعه و جريت علي امها اللي كانت متابعه الموقف من الاول ..... قوم امها الصدر الحنين ليها تعمل ايه ؟؟؟؟

تستني هاديه جدا لحد البنت ما تيجي عتدها و تقوم لهفه البنت حتت قلم علي وشها .... و زعيق عشان وقعت .... و ازاي تسمح لنفسها انها تقع ..... و ازاي و ازاي و ازاي .......مع تهديد بالويل و الثبور و عظائم الامور لما ترجع البيت ..... المهم ان البنوته العسوله ماعرفتش حتي تعيط من القلم .... البنت ساعتها اتخضت اكتر من الاول ..... غباء ده و لا تسميه ايه ؟؟؟؟؟

الموقف الثاني .... اب بس المره دي انا عاشرت الراجل ده كتير .... مش ابويا و الله بس الراجل عمري في حياتي ماشوفته بينادي حد من عياله الا بـ " انت ياله " او " انتي يابت " .... عمري ماشوفته مره بينادي حد باسمه

طيب مش انت ياسيدي قعدت مع مراتك و مسكت انت و هي في شعر بعض علي اسامي العيال دي .... مش انت اللي كنت رافض ان البنت تتسمي " بديعه " علي اسم حماتك ... و مراتك راسها و الف سيف الواد مايتسماش " عب متجلي " علي اسم الحاج والدك ............ و في الاخر سميتوا " يوسف و هند " .... طيب ليه انت و مراتك مافيش مره تنادوا علي العيال باسمهم

علي فكره و الله اغلس حاجه انك تبقي عارف اسم حد وماتناديش عليه بيه ... تنادي بـ " ياله " او يا " بت " .... طيب ايه لازمه الاسم ؟؟؟؟؟؟.

في ميكروباص من بتوع الجمعيه .... اب و عياله ... و الاب في قمه الذوق و معلم عياله اللي عندهم 7 سنين او بالكتير 10 انهم مايقفوش لحد كبير .... يعني الولد عنده 10 سنين قاعد وز فيه جنبه ست كبيره بتاع 45 سنه واقفه ... بس الولد الصغير هايموت و ينام .... كل شويه راسه تقع علي كتفه و يروح في النوم ... تعبان ياناس ... يقوم الاب بدل مايشيل الولد و اهي فرصه ينام علي رجله ويديله شويه حنان من الاكيد مفقود عنده و برضه يقعد الست و اهو يضرب عده عصافير بحجر واحد ... لا ده راح رازع الواد في كتفه صحاه من النوم مفزوع ... وراح محمر عنيه و قايله

- اصحي ياله – خد بالك من ياله برضه – ماتنامش

- عايز انام يا بابا

- بقولك اصحي ياحمار .... قربنا ننزل

و اتكرر الموقف لمده 45 دقيقه .... خلي بالك يا مؤمن انت و هو ... ساعه الا ربع ... و كل مره يصحي الواد مفزوع و يكونوا قربوا ينزلو ... و الولد و الله هايموت و ينام .... بس نقول ايه .... غباء

اللهي يابو الواد ده ربنا يرزقك بجار غلس يفضل يدق كفته طول الليل و مايخلكش تنام

التعليق الوحيد ان الناس اللي من النوعيه دي مش مقدره نعمه ان ربنا كرمهم بعيال ... و معندهمش حتي اي فكره يقدروا بيها يعرفوا ان عندهم مشروع اسمه عيالهم

المفروض انهم يهتموا بيه عشان ده مايقلش عن اي مشروع استثماري .... ده حتي انا شايف انه مشروع العمر كله ... مشروع انشاء انسان سوي صالح يقدر يغير في المجتمع

مشروع انشاء الولد الصالح الذي يدعو له

و شكرا

2008-10-27T08:42:00.002+02:00

اتحرش ... اتحرش

ــــــــــــــــــــــــــــــــــ

شكله فعلا هيبقي شعار المرحلة اللي جايه ... و هيبقي بجميع أنواعه سواء كان تحرش جنسي أو سياسي زى ما الأستاذ فهمي هويدي قال

طبعا عدد كبير جدا من الناس – و انا منهم – تابع قضيه المخرجه نهي اللي كانت اول فتاه مصريه تتقدم ببلاغ ضد سواق نقل انه اتحرش بيها جنسيا و في مصر الجديده اللي هي معقل الامن و الامان المفروض و حكيت كتير عن تفاصيل الواقعه و عن اسلوب تعامل الناس معاها سواء كان في لحظه الامساك بالسواق و بعد كده في نقطه البوليس او في النيابه

و الموضوع خد مجراه الطبيعي و السواق اتحقق معاه في النيابه و اتحول لمحكمه و بعد كده اتحكم عليه في الاخر بـ 3 سنين – طبعا مش عارف كان ايه منظره و هو بيسمع القاضي و هو بينطق الحكم و ان 3 سنين هيروحوا من شاء الله من عمره عشان بس اللي عمله

بس بقي الغريب راي بعض الناس اللي سمعتها تعليقا علي الحكم ... مع ان الناس دي المفروض انها ناس مثقفه و متربيه – عدد 2 محاسب و عدد 1 دكتور و معيد في القصر العيني – بس رغم كده انا الصراحه فوجئت برد فعلهم الغريب جدا الا و هو أدانه المخرجة بالكلمة المأثورة في المواقف اللي زي دي ان اكيد البنت دي في حاجه فيها مش مظبوطه – يعني يا لبس يا هي اللي سمحت انه يعاكسها - ... و الاهم بقي انهم احمعوا كلهم ان البنت هي اللي مش مظبوطه و انها شريكه في الجريمه زيها زي السواق ... و انها مشكلتها ان شكلها عاجب السواق

و الله اتصدمت مت الكلام ده من ناس المفروض انهم متعلمين و مثقفين ... بس يظهر ان مرض الخربأه اللي في المجتمع انتشر بصوره غريبه و ضرب قطاعات جديده و شرائح من المجتمع جديده كمان

ربنا يستر و ماكتشفش كمان اني متخربأ .... و الله بشك

2008-10-19T20:23:00.002+02:00

متــــرو

ــــــــــــ

عمرك ركبت قبل كده المترو .... متنكرش لان الانكار مش هينفعك لان دلوقتي مافيش حد في القاهره الكبري الا لما ركب المترو مرتين تلاته قبل كده

مش الهدف الكلام عن اهميه المترو كوسيله مواصلات و لا ازاي ان البني ادمين فيه عدوا مرحله الزحمه بفتره و دخلوا مرحله جديده اسمها التعشيق .... بحيث انك ممكن تلاقي رجل واحد جنب راس التاني او لما تيجي تنزل تكتشف ان ايديك في جيب واحد واقف جنبك و لما تشدها تتطلع بكام حته هدوم من الناس اللي واقفه .... و برضه سيبك من موضوع ان الكيلومتر الواحد من مترو الانفاق بيتكلف 250 مليون جنيه ( طبعا شامله حديد عز و الاسمنت و الاوناش اللي بتتسرق و اكراميات و شاي و قهوه و كله كله ) .... الهدف حاجه تانيه خالص .... بس قبل توضيح الهدف عايز اعرف فعلا هو كل حاجه تتكتب لازم يكون ليها هدف ؟؟؟

المهم ياسيدي نبقي نتناقش في الموضوع الفلسفي ده بعدين .... المهم يامعلم

و انت كده راكب المترو ( يستحسن الخط القديم بتاع حلوان – المرج و ده لانه فيه ابواب و شبابيك متكسره كتير ) .... حاول تقعد جنب اول العربيه اللي انت راكب فيها او اخرها مع مراعاه انك ماتركبش لا اول و لا اخر عربيه و احسن حاجه تركب عربيه في النص .... و مش عايزين استهبال و تركب عربيه السيدات و تقول اهي في النص بالظبط و عشان التجربه تنجح

المهم يا سيدي ركبت عربيه تنطبق عليهاالشروط و المواصفات المطلوبه .... لما المترو بيكون بيتحرك بص كده علي العربيه اللي وراك .... هاه ..... ممكن توصف شايف ايه قدامك ؟؟

اقولك انا .... انت شايف العربيه اللي قدامك بتتهز بشده وعنف و غباء و مش ثابته .... عماله تروح يمين و تيجي شمال .... تطلع فوق و تنزل لتحت ...عمرها ما كانت ثابته ابدا زي عربيتك .... طيب ارمي نظره كده برضه علي الباب اللي ورا برضه .... هاتلاقي ان اللي بيحصل مع العربيه اللي قدامك بيتكرر مع العربيه اللي وراك بحذافيره ( حذفوره حذفوره ) .... طيب معناتوه ايه الكلام ده ؟؟؟؟ .... علي راي نواره

معناه سهل اوي .... تخيل ان انت عربيه المترو و ان العربيات اللي قدامك و اللي وراك دي كلها بني ادمين زيك .... انت بقي شايفهم ازاي ؟؟؟؟

انت شايف الناس كلها مش ثابتين زيك .... كلهم بيطلعوا و بينزلوا و يجيوا يمين و يروحو شمال و انت علي راي ابو عمار ( يا جبل ... مايهزك ريح ) .... ثابت و مش بتتهز .... و الناس اللي حواليك كلها هي اللي مهزوزه

علي فكره .... نفس المنطق ده منطبق علي الناس برضه .... انهم شايفينك مهزوز برضه يامعلم و ان كل واحد فيهم هو اللي ثابت

ياخونا الثبات ده لله وحده .... طبعيتنا البشريه بتقول ان احنا لازم حبه فوق و حبه تحت .... حبه يمين و حبه شمال

و الصح اللي نعمله ان احنا نتوائم مع الموضوع ده و ان كل واحد يعامل نفسه علي هذا الاساس .... لا كده يا ما هنفضل زي المترو .... طول النهار رايحين و راجعين في نفس السكه .... خط سير واحد

مافيش جديد

2008-10-17T15:40:00.014+02:00

حواديت

ـــــــــــــــ

حد سمع قبل كده منير و هو بيغني حواديت .... سمعه بجد و ركز معاه عشان يوصل للي منير عايز يقوله

حد فكر فعلا قبل كده اد ايه منير ده كينج بجد ؟؟؟؟؟

****

حواديتي كتيره .... اكتر حتي في بعض الاحيان من اني افتكرها كلها ... رغم اني لسه صغير في نظر البعض .... و محتاج الي النضج و اني ابطل تصرفات اطفال في نظر البعض الاخر ..... بس غصب عن الكل حواديتي كتيره

****

لو حكينا يا حبيبي ..... نبتدي منين الحكايه ؟؟؟؟

****

اول مره فكرت اني امسك فيها قلم و اني اكتب ده كان و انا لسه رايح تالته اعدادي ... كنت ساعتها في فتره -هتكلم عنا بعدين - حسيت انه في جوايا كلام كتير اوي كنت عايز اطلعه و مكسوف او محرج او مقتنع انه لا يمكن يحصل ... فكان الحل هو الكتابه .... نوع من ان الواحد يستخبي ورا القلم و الورقه .... و انه مايشوفش رد فعل اللي ادامه علي الكلام اللي هو كتبهوله .... عشان كده باحسد الناس اللي عندهم القدره علي الخطابه و انهم يكلموا الناس في اجتماعات و الكلام ده .... و بمرور الوقت اتحول الحسد ده من حسد محمود الي حسد مش و لا بد ... لحد ماوصل في اخر سنتين ليه في الكليه لدرجه الكره الصريح

****

كنت باحب اكتب عشان اعبر عن اللي جوايا .... كل اللي كنت باكتبه في الفتره دي كان مجرد ردود افعال لمواقف حصلت لي و كنت برد عليها بواسطه اني اكتب

طبعا بعد فتره اكتشفت ان الموضوع ده فاشل ... ماهو ماينفعش واحد يقولي حاجه اقوله طب اديني يوم و لا اتنين و انا هاقولك الرد ... فبعد فتره من اكتشافي الفشل ده قررت اني ارد علي طول ... و ده كان نتيجته مع مرور الوقت اكتشف اني ماكنتش باتكلم ... كنت باحدف دبش في وش اللي قدامي .... و نتيجته اني اتشهرت في الكليه ان اللي يقرب مني هايسمع مالايحب و لا يرضي .... فابتدت الناس تتجنبني .... و ده كان نتيجته بعد كده مش و لا بد

****

اول حاجه كتبتها كانت عباره عن قصيده شعر - مع الاعتذار الكامل للشعراء و للي مقتنعين اني ماينفعش اكتب شعر - بس هس كانت قصيده زي بالظبط اناشيد المدرسه اللي كان بيكون فيها البيت مقسوم علي نصين و الكلام كان كله باللغه العربيه - اللي عمري ما كنت شاطر في قواعدها - اللي ممكن لو مدرس العربي بتاعي - استاذ طلال - كان شافها اظن ان كان عنده السبب المقنع و الكافي انه يقتلني بسببه و هو مرتاح الضمير

****

حين رايتها جن جنوني فكاد جمالها ان يقضي علي عيوني

ده كان اول بيت في القصيده العصماء اللي كنت كاتبها .... و طبعا زي ما بيقولوا ان اول القصيده كفر .... فكفايه اوي البيت ده عشان يعرف ذوقي الشعري وقتها

****

فتره الشعر دي فضلت معايا لحد ما خلصت اعداديه .... و برضه للاسف كانت بنفس جوده القصيده الاولي و الاسلوب و كل حاجه .... و تخيل يا مؤمن اني رغم ده كان لي معجبين و كانوا دايما بيطلبوا مني اني اكتب كتير و مش ابطل كتابه

و كمان جت فتره عليا اني كنت باكتب قصايد من دي لاصحابي عشان يعلقوا بيها البنات اللي معانا في المدرسه ... تحس كده انك بتسمع شاعر صعلوك في فيلم عربي

****

دي مـذكرات و كتبتهــا من سنين

في نوته زرقا لن بحور الحنين

عترت فيها . . . رميتها في المهملات

و قلت أما صحيح كلام مخبولين

عجبي

ده ابسط تعليق ليا لما وقعت في ايدي النوته اللي كنت باكتب فيها في الفتره دي بعد حوالي 5 سنين من انتهائها

****

في الفتره دي برضه ابتديت اكتب مذكراتي .... بس اكتشفت اني مش كنت باكتبها عشان ادون اللي بيحصل في حياتي

اكتشفت اني باكتبها عشان بس يبقي عندي حاجه اخبيها عن الباقيين

كان مجرد اشباع لرغبه اني يكون عندي حاجه خاصه بيا .... يمكن عشان موضوع الخصوصيه ده معترف بيه في العيله عندنا وقتها - و لحد دلوقتي - او عشان يمكن كنت عايز احس اني كبرت بقي و بقي عندي اسرار ممكن اخبيها عن الاخرين عشان كنت باشوف ايامها في التليفزيون المصري - قبل ما ربنا يتوب علينا و نجيب دش - ان دايما الابطال بتوع الافلام و المسلسلات كلهم عندهم مذكرات

اظن السبب الاكبر اني كنت عايز احس اني .......... بطل

بعد فتره من كتابه مذكراتي قررت اني ابطل كتابه .... لاني اكتشفت اني في بعض الاحيان اني مش امين مع نفسي في الكتابه

و اني فعلا مش باكتب مذكرات .... انا باكتب سيناريو فيلم انا بطله الاوحد و الطيب الوحيد اللي في الدنيا و كل اللي حواليا اوغاد

فكان لازم ابطل كتابه مذكرات

و اظن ان دي كانت البدايه في اني بعد كده ابتدي احس اني مش انا الوحيد الكويس في الدنيا دي

لا ..... ده انا الشرير الوحيد في الدنيا دي

و مع ذلك لسه موضوع كتابه مذكراتي بيلح عليا كل شويه .... بس ماظنش اني هانجح فيه بالصوره اللي انا عايزها

غصب عني هاكتب بصوره توضح اني الوحيد اللي صح ... دي مشكله الكتابه من وجه نظر احاديه

****

طبعا خلصت فتره الاعداديه دي .... و للاسف خلصت بصوره جذريه لاني عزلت من بيتنا القديم في حدائق القبه .... ارض الاباء و الاجداد .... زي ما بحب اقول عليها .... عشان في الحته دي ممكن اقول انها كانت السبب في تكوين حاجات كتير جوايا .... حاجات حلوه و حاجات وحشه و زي الزفت بحس بالخجل حتي لما افتكرها

سبت الحدائق و انا برضه زي ما بيقولوا في الروايات - مشيع باللعنات و الراحه في الخلاص مني - من ناس كتير .... و العجيب انهم حتي مش في سني بس .... لآ .... دول اكبر مني كمان بكتييييير

ماكنتش عارف ساعتها ايه الخطر اللي ممكن يسببه ولد صغير مسلوع عمره 13 سنه للناس دي

سبنا بيتنا اللي في الحدائق و جينا بيتنا الجديد في الهرم .... اللي رغم اني قضيت فيها 10 سنين فاسه حاسس اني مش عارف افهم جو الهرم

****

ابتديت مرحله الثانويه العامه .... و ابتديت معاها مرحله جديده تماما في الكتابه

الا وهي .... كتابه المناهج الدراسيه و المقررات اللي عليا في ثانوي

و كنت باعمل كده - لحد دلوقتي - و انا مش عارف ليه .... هما قالولي ذاكر فذاكرت

قالولي ابوك تعبان معاك و موفرلك كل حاجه عشان تدخل كليه حلوه .... فدخلت

قالولي امك نفسفها تفرح بيك و انت مهندس اد الدنيا و ماينفعش تزعلها .... فمازعلتش و فرحت

عمرهم ما قالولي عشان نفسك .... عشان كده لما مدرسه الانجليزي بتاعتي كانت بتشكر فيا و بتقول لامي - احسن حاجه في ايهاب انه عايز ينجح و يبقي كويس عشان نفسه مش عشان ماما و بابا و اهله - ضحكت قوي عليها و قلت حاجه من الاتنين

يا اما الست دي هبله لدرجه انها مش فاهمه حاجه

ياما انا اللي مش فاهم نفسي

****

خلصت مرحله الثانويه و كل محاولاتي فيها في الكتابه كانت برضه 3 او 4 وحاولات لكتابه المذكرات و فشلت .... فقلت الاحسن اني اسجلها بصوتي

مجرد دعابه مش اكتر

****

دخلت الجامعه .... كليه الهندسه جامعه القاهره

ماكنش في اي جديد في موضوع عدم الكتابه الا برضه محاولات فاشله عشان مذكراتي .... و اكتشفت ان الموضوع صعب للدرجه اني حسيت اني بكتب مذكرات قائد حربي في الحرب العالميه التانيه

عدت اعدادي هندسه و اولي بكل التجارب المؤلمه اللي فيهم - اللي محتاجين كشكول عشان نكتبهم - و جيت و انا في تانيه كده شوفت برنامج وثائقي علي الجزيره علي المدونين .... و شرح يعني ايه مدونه و الكلام ده .... كان البرنامج ده ساعتها اتشهر جدا و سمع جامد لدرجه ان ناس كتييييير جدا عملت مدونات بسبب البرنامج ده و ظهر ما يسمي بالجيل الاول و التاني من المدونين

و انا كنت واحد منهم

الاول خالص فكرت اني اعملها باسم مستعار يعني - تمويه يعني - بسبعد كده استسخفت الفكره و لقيت انها مالهاش لازمه و ان في ناس بتظهر في التلفزيون و مش خايفه يعني هي جت عليا انا بس

****

و ابتدا .... ابتدا ابتدا .... ابتدا المشوار

****

طول الفتره اللي كانت المدونه مفتوحه فيها - داخلين علي سنتين اهو - و هي كانتزي مسرح العمليات بالنسبه للي بيحصل جوايا .... يعني صاحبت و حبيت و اتخانقت و بكيت و يأست فيها

كنت بحاول انها تكون مرايه لنفسي .... حتي لما كنت باشعر بفراغ من جوه كنت باكتب اغاني بس تعبرعن اللي جوايا

عاصرت معايا كل حاجه .... و كانت دفتر لاحوالي

****

برضه رغم عده محاولات فاشله اني اكتب مذكراتي و انشرها هنا برضه فشلت ... عشان كده فكرت في الحواديت دي

****

اهم حاجه كانت عندي و انا باكتب اني اكون باسمع منير .... و معايا القلم الرصاص الروترنج و علي مكتبي و باكتب

بكتب الاول في ورقه و بعد كده كنت بابيض الورقه كذا مره و بعدين اكتب علي الجهاز في فيل ورد و بعد كده اعمل نشر علي المدونه

بس ده مش ثابت .... يعني البوست ده كله علي الكمبيوتر من غير و لا حرف علي اي ورقه

حدوته رقميه

****

برضه في الاخر ... و رغم اراء البعض اني باعرف اكتب .... كلام بس لكن ماليشفي الشعر رغمانه زي ماهو واضح من بداياتي اني ممكن اكون مشروع متنبي جديد .... فانا لازلت مصمم اني مش باعرف اكتب .... و ماليش في الكتابه اساسا لحد ما اقدر اكتب مذكراتي بصوره ترضيني .... و لحد مايجي اليوم ده .... فلسه عندي حواديت كتيييييييير

2bc .............................

2008-07-28T23:51:00.000+03:00

حدوته ..... يوسف

2008-07-27T19:36:00.004+03:00

ما نرضاش
يموت جوه قلبي نداء
----
قلبي جواي يغني
الاجراس تدق لصرخه ميلاد
تموت حته مني
الاجراس بتعلن نهايه
بشــــــــــــــــر ..... من العباد
-------
دي الحكمه قتلتني
و حيتــتـني
و خلتني اغوص في قلب السر
قلب الكون
--------
مين اللي عاقل فينا ..... مين مجنوووون ؟؟؟؟

سلام شاهين ..... سلام
ياللي رايت كل شئ
اكيد دلوقتي لقيت اللي تعبت عشانه

الحقيقه

2008-07-10T17:23:00.001+03:00

ننتظرك غدا
الي اي عالم ستاخذنا حواديتك هذه المره ؟؟؟
الي اي افق ستحلق بنا في هذه المره ؟؟؟
الي اي عمق ستكشف لنا انفسنا و حقيقتنا ؟؟؟
منير ...... الاوبرا 11/7/2008

2008-04-03T17:03:00.000+02:00

ما الذي كان و ماعدش و راح ؟؟؟؟

هل فعلا كانت مجرد مرحله و انتهت ؟؟؟
ام كانت خدعه ؟؟
هل قضيت 5 سنين في الهواء ؟؟؟
في اللاشئ ؟؟
هل كل ما حاربت من اجله كان خطأ ؟؟؟
هل .... وهل .... وهل ....
الالاف الاسئله ... التي لن اعرف اجابتها الان
ربم اجدها .... عند الله
بعد لقائي به

2008-03-15T17:41:00.003+02:00

احلامهم
--------
احلامهم البسيطه
بتجري ورا السراب
و تّوه وسط الضباب
و لا زرعت مره شجره
و لا فتحت اي باب
*****
احلامهم البسيطه
احساس جوه الصدور
وكلام بين السطور
بركان محبوس في صمته

لكن ممكن يثور

2008-03-13T21:32:00.007+02:00

الحل
-------

انا لو كنت رئيسا عربيا
لحللت المشكله
وأرحت الشعب مما اثقله
انا لو كنت رئيسا
لدعوت الروساء
ولألقيت خطابا موجزا
عما يعاني شعبنا منه
و عن سر العناء
و لقاطعت جميع الاسئله
و قرأت البسمله
وعليهم و علي نفسي ...... قذفت القنبله

احمد مطر

2008-03-03T22:58:00.001+02:00

الكره يوم بيهون ........ الحب ما يهونشي

2008-03-02T06:14:00.004+02:00

وسط البلد
----------

واللي اجمل ..... واللي احلي
ضحكه طلعه من روحين

*********

هيلا هوب وهيلا هوبا
يابن بلدي الغربه صعبه
البلد دي ترابها اغلي
مرها من الشهد احلي
عذابها متشرب هريسه
هيلا هوب و هيلا ليصه

2008-02-26T09:15:00.014+02:00

رجلان

هم رجلان ......... ورجلان هما

سنهم قريب من سني ...... احدهم اعرفه وقابلته مرتين , اما الاخر فلم اقابله بعد ..... ولكني اعرف كل شئ عنه تقريبا .... وربما هو الاخر يعرفني ..... نظريا ايضا
وكما هو واضح .... فان كلمه رجلان هذه نكره .... وليست للتحقير ابدا .... او لوصف شئ صغير .... بل علي العكس تماما .... فانهما كما ذكرت رجلان بكل ما تحمله الكلمه من معاني
مشكلتي الوحيده مع هذان الرجلان .... انهما استغلاا فتره غيابي في الجيش - و لا اعرف ان كا ن هذا مقصودا ام انها مجرد صدفه - و تمكنا من الاستيلاء علي اثنين من اغلي جواهري

و اليست فاطمه و امنيات جواهر ؟؟؟؟

الرجل الاول : احمد عبد الخالق

اكبر مني بسنتين .... مهندس رائع كما يقول عنه اصدقائه .... شياكه و اناقه و لباقه في الحديث - طبعا لابد ان يكون هكذا و الا كيف سيتمكن من الاستيلاء علي الجوهره - وان كنت دائما اشعر كلما قابلته انه مهموم او حزين .... تمكن هذا المهندس الرائع - كما قلنا - من الانقضاض علي جوهرتي - واخي الاكبر في نفس الوقت كما احب ان اطلق عليها - فاطمه و ذلك عن طريق وضع دبلته في يدها اليمني
وكان هذا يوم الجمعه 22\2\2008 ..... فلتتذكروا هذا التاريخ جيدا

الرجل الثاني : اشرف

محاسب بالبنك الاهلي .... لم اتشرف بمقابلته .... و ان كان كما سمعت عنه انه حنون الي الدرجه التي انست جوهرتي الثانيه الالامها و معظم اخفاقات الحياه التي واجهتها وعدم تفهم الاخرين لها
تمكن هذا المحاسب - الرائع ايضا و الرجل بشده - بعد طول صبر و مثابره ان يستولي ايضا علي جوهرتي الثانيه .... وذلك لانه - كتب كتابه عليها و اصبح زوجها يوم 15\2\2008
اصبح الان لامنيات زوج رجل ..... تستطيع ان تعتمد عليه

ربما للمره - لا اتذكر فعلا - ان تقف كل خلايا مخي و لا استطيع ان اجد وصفا مناسبا للسعاده التي شعرت بها والتي انا فيها .... ربما كان من حظ الجوهرتين انني كنت في الجيش ولم اتمكن من حضور اي من الحفلتين .... والا كنت انطلقت راقصا مزغردا قافزا في كل مكان .... كنت ساشعر انني ام العروس في حفله كل منهما .... كل خلايا مخي تتوقف عن كل الاعمال غير الفرحه

اما الرجلان فاقول لهما ... ربما لو خصصتم اسبوعا كاملا للسجود شكرا لله علي ما اعطاكم فلن يكون كافيا .... اقول ذلك بصدق .... فانا اتكلم عن اخي الاكبر - فاطمه - و اختي - امنيات - و اعرف جيدا عن من اتكلم .... اتكلم عن شجاعه و ثبات و حسن تفكير و حلاوه روح وقلب ولسان عند فاطمه , وعن حنان و صدق و هدوء و تفهم عند امنيات .... " ملحوظه : نصيبي انا تحتوي علي كل ذلك " .... وتلك الصفات لن تجدوها عند الكثيرات من من قابلتم ..... كما اثق ايضا انكم رجلين رائعين بمعني الكلمه و الا لما وقع اختيار الجوهرتين عليكما ... و اثق ايضا انك لن تدخروا ما في وسعكم لاسعادهم
و هذا كل ما اطلبه انا ايضا - بصفتي اخ لهم - ان تبذلوا كل ما في وسعكم لاسعادهم .... و الا تكونوا في يوم ما سبب في ادخال الشقاء اليهم بقصد او بدون قصد ..... والا فانهم وراهم رجاله
و لا املك في النهايه الا ان ادعي لكم : اللهم بارك لهم و عليهم .... واتمم لهم الفرحه والسعاده ..... و اقسم لهم الهناء ..... و ابعد عنهم بعزتك و جلالك الشقاء

و اطلق زغروده رجالي عاليه
لولولولولولولولولولي

فلقد صارت فاطمه مخطوبه لانسان رائع
و صارت امنيات متزوجه من رجل ...... رجل بحق

2008-02-21T18:37:00.002+02:00

شعارنا
قوه ..... عزم ..... نصر

شعار السريه
سريه .... التانيه
حديد حديد حديد
اسود اسود اسود
وحوش وحوش وحوش
السريه التانيه سريه حديد

2008-02-06T22:41:00.001+02:00

ترقص ؟؟؟؟
.......

ارقص
غصب عني ارقص
غصب عني ..... غصب عني ارقص

.......

و ينشبك حلمك في حلمي
غصب عني ارقص
غصب عني ....... غصب عني ارقص

..............
ترقص ؟؟؟؟

2008-02-01T08:13:00.000+02:00

عدنا

عدنا لمده 24 ساعه فقط اجازه من مركز التدريب

تنتهي الاجازه في السادسه مساء الجمعه

عدت لاقر و اعترف ان ما قاله منير صحيحا

طول العمر العسكر عسكر ...... بس الناس الناس كانت ناس

عدت لاعترف اني تغيرت الي حد كبير

زاد حزني ..... و ازدادت كأبتي و لحظات شرودي لحد كبير

اختفت ضحكتي التي كانت ملازمه لي دائما .... وحل مكانها شرود طويل

عدت لاكتشف تقلص عدد اصدقائي

عدت بعد اسوء يومان في التدريب ...... لاني بالامس حلمت بك واشتقت لاوقاتنا معا

عدت ....... وياليتني ما عدت

2008-01-09T20:41:00.000+02:00

و ان شاء المولي

راح نرسي في مينا

ايامنا علي الله

و قمر ليالينا

و يامراكبي

شد القلوع يا مراكبي

مافيش رجوع يا مراكبي

و ياليل من غير حبيب

وياليل امرك عجيب

الورد كان في كل مكان طارح مطارح لحبي

و الكون ده كان زمان ما يسعش حته من قلبي

يا مراكبي

شد القلوع يا مراكبي

مافيش رجوع يا مراكبي

2007-12-29T21:40:00.000+02:00

انا
----

انا الذي كل شويه

تتدألج الايام بيا

أقوم و أقع وأقوم تاني

و حكايه تحدفني لتانيه

أنا الذي في قلبه حكايات

أصحاب كتير و حاجات

و بنات

قصص كتير .... عشق علي فراق

بأرقص يوماتي مع الدنيا

2007-12-28T14:01:00.000+02:00

البحر غضبان ما بيضحكش
اصل الحكايه ماتضحكش
البحر جرحه مابيدبلش
و جرحنا و لا عمره دبل

2007-12-27T21:13:00.000+02:00

بيني و بينك سور ورا سور
و انا لا مارد و لا عصفور
في ايدي عود قوال و جسور
و صبحت - انا - في العشق مثل

2007-12-22T20:26:00.000+02:00

ليه يا سنين العمر

ترضي لنا بالمر

ده لولا فينا صبر

لهان علينا العمر

2007-12-21T10:32:00.000+02:00

كلام صح

-------------

فيه ناس

مابيدفعوش

تمن حاجات كتير

عملوها

و ناس

بيدفعوا

تمن حاجات كتير

ماعملوهاش

هي الحياه كده

شغلانه بدون مرتب

بدون منصب محدد

وظيفه

بس ببلاش

2007-12-19T07:00:00.000+02:00

عيد ؟؟؟؟ !!!!!!!!!!!!!!!!!........ باي حال عدت يا عيد ؟

2007-12-18T06:40:00.000+02:00

يوم عرفه

يا رب : ‏إذا أعطيتني مالاً لا تأخذ سعادتي .. ‏وإذا أعطيتني قوةً لا تأخذ عقلي .... وإذا أعطيتني نجاحاً لا تأخذ تواضعي... ‏وإذا أعطيتني تواضعاً لا تأخذ اعتزازي بكرامتي

يارب: ‏لا تدعني أصاب بالغرور إذا نجحت.. ‏و لا أصاب باليأس إذا فشلت... بل ذكرني دائماً بأن الفشل هو التجارب التي تسبق النجاح

يا رب : ‏علمني أن التسامح هو أكبر مراتب القوة .. ‏وأن حب الانتقام هو أول مظاهر الضعف

‏يا رب : إ ذا جردتني من المال اترك لي الأمل .. ‏وإذا جردتني من النجاح اترك لي قوة العناد حتى أتغلب على الفشل .. ‏وإذا جردتني يارب :من نعمة الصحة اترك لي نعمة الإيمان

يا رب : ‏إذا أسأت إلى الناس أعطني شجاعة الإعتذار .. ‏وإذا أساء الناس إلىّ أعطني شجاعة العفو والغفران

يا رب : ‏علمني أن أحب الناس كما أحب نفسي .. ‏وعلمني أن أحاسب نفسي كما أحاسب الناس

يا رب : ‏ساعدني على أن أقول الحق في وجه الأقوياء‏ وساعدني على ألا أقول الباطل لأكسب تصفيق الضعفاء

2007-12-14T21:43:00.000+02:00

بثي و حزني

بسم الله الرحمن الرحيم

قَالَ إِنَّمَا أَشْكُو بَثِّي وَحُزْنِي إِلَى اللّهِ وَأَعْلَمُ مِنَ اللّهِ مَا لاَ تَعْلَمُونَ

تسمعها بصوت هاني عبدالله .... فتتخيل الصوره فورا في عقلك ...صوره قائلها سيدنا يعقوب في سوره يوسف حينما لامه من حوله علي كثره تذكره لابنه يوسف بعد ان اوهمه ابنائه ان الذئب اكله ..... فظل علي ما هو عليه الي ان ابيضت عيناه من الحزن و لكنه كان عنده علم من الله ..... كان يعلم ان الله رحيم بعباده الصالحين , بل و غير الصالحين ايضا ............... هذا كان علمه عن الله
قالها ليوضح ايضا من نلجا اليه و كيف نلجا اليه ............ فهو يلجا الي الله ..... و يشكو اليه بثه و حزنه .... فمن ذا الذي سيكون اليك اقرب من حبل الوريد غير الله
هكذا انا الان ..... اشكو بثي و حزني الي الله .... من كل الاتجاهات تاتيني سحب الاحزان محمله .... و لا اجد احد بجواري الا الله ... فلا املك الا ان اشكو اليه بثي و حزني
و اعلم انا ايضا ان الله رحيم ..... رحمته تفوق اي صفه اعرفها عنه , بل حتي تفوق اضعاف مضاعفه مما اتخيله في عقلي .... و اعلم انه لن يتركني اواجه سحب الاحزان وحدي ... سوف يشملني برعايته و بعنايته باذنه .... و ستكون عنايه الله هي المظله التي اواجه بها ..... سحب الاحزان

2007-12-14T10:02:00.000+02:00

توضيح

بادي دي بدء - حلوه اوي دي - عايزين نوضح كام نقطه كده
اولا : للزهراء ... و الله انا برد علي الناس اللي بتعبرني و تسيبالي تعليقات .... ده انا حتي بابقي فرحان جدا حتي لو كانت تعليقاتهم مش متفقه معايا في الراي
بس الفكره اني من حوالي شهر كده مافيش كمبيوتر في البيت و باشتغل خلسه - حلوه بقي اوي خلسه دي - من كمبيوتر الشغل ....عشان كده مش باعرف ارد علي اي حد و بقالي فتره مش باكتب حاجه

ثانيا : للزهراء برضه , و كمان سمراء النيل اللي نورتني جدا .... ادي حكايه الصوره
نخليها علي شكل حوار بين شخصين

المكان : كليه من كليات جامعه القاهره الساعه 8:15 صباحا
هي : اسكت مش امبارح انا و ماما كنا بنهرج و بنحسب انتم هتتكلفوا كام و احنا هنتكلف كام ..... لقيناك هتشيل سقله فلوس اد كده
هو : انا عارف .... بس الموضوع يستاهل
هي " بخجل" : يعني انت عندك تصور هتدفع كام ؟؟؟؟
هو : المشكله مش في كام , المشكله هاجيب ايه ؟

واستمرت المناقشه ... لم تكن مناقشه بالمعني المفهوم.... فلم يكن هناك طرف يحاول اقناع الاخر بوجه نظره .... و لكن كانت اقرب الي حديث بين شخص لا يملك المعلومات و اخر لا يملكها

و في اخر المناقشه كتب هو تصوره اما سوف يحدث و اعطاها تلك الورقه كي تراجعها فعدلت فيها بعض البنود و احتفظ هو بعد ذلك بتلك الورقه

ده تفسير وجود خطين في الورقه ..... خطه و خطها
و حكايه الصوره
اما الان ..... فخلالالالالالالالالاص
مافيش هو ..... مافيش هي
مافيش ورقه
كانت مجرد حلم جميل .................... و خلص بسرعه

2007-12-10T21:13:00.000+02:00

تلات شهور
ولسه ياما هفضل اعد
و اعد
و اعد